ମାଲକାନଗିରିରେ ଚାଲିଛି ଏନଆଇଏ ଟିମର ଚଢାଉ । ମାଲକାନଗିରିରେ ମାଓ କାର୍ଯ୍ୟକଳାପ ନେଇ ଚଢାଉ କରିଛି ହାଇଦ୍ରାବାଦ ଏନଆଇଏ ଟିମ । ମାଲକାନଗିରି ଜିଲ୍ଲା ମୋଟୁ ଥାନା ଅନ୍ତର୍ଗତ ଅନନ୍ତପାଲି ଗାଁର ନାକା ଡେଭିଡ ରାଜୁ ଘରେ ଚଢଉ କରିଛି ଏନଆଇଏ । ଘଟଣା ମୁତାବକ, ଗତ ଜାନୁଆରୀ ମାସରେ ଡେଭିଡକୁ ଆନ୍ଧ୍ରର ଚିନ୍ତୁର ପୋଲିସ ଗିରଫ କରି କୋର୍ଟଚାଲାଣ କରିଥିଲା । କାରଣ ପେଶାରେ ଜଣେ ମାଛ ବ୍ୟବସାୟୀ ଥିବା ଡେଭିଡ ସାବେରୀ ନଦୀରୁ ମାଛ ଧରି ଚିନ୍ତୁର ଅଂଚଳରେ ମାଛ ବିକ୍ରି କରନ୍ତି । ତେବେ ମାଛ ବିକ୍ରି କରିବାକୁ ଯିବା ବେଳେ ତାଙ୍କ ବାଇକରୁ ଡିଟୋନେଟର ଭଳି ବିସ୍ଫୋରକ ସାମଗ୍ରୀ ଜବତ କରିଥିଲା ପୋଲିସ । ତେଣୁ ମାଓବାଦୀଙ୍କୁ ଏହି ବିସ୍ପୋରକ ସାମଗ୍ରୀ ଦେଇ ସହଯୋଗ କରୁଥିବା ଅଭିଯୋଗରେ ତାଙ୍କୁ ଗିରଫ କରିଥିଲେ। ଛଅ ମାସ ଜେଲ କଟାଇ ଏବେ ଘରେ ଥିବା ବେଳେ ଏନଆଇଏ ଟିମ ଘରେ ରେଡ଼ କରିଥିଲେ। ଘରେ ଥିବା ଦାମୀ ଜିନିଷ କେଉଁଠୁ ଆସିଲା ଆଉ ମାଓବାଦୀଙ୍କ ସହ କି ସମ୍ପର୍କ ଅଛି କି ନାହିଁ ସେ ନେଇ ଡେବିଡ଼ଙ୍କୁ ଅଧିକ ପଚରା ଉଚୁରା କରିଥିଲେ।
ମାଓ କାର୍ଯ୍ୟକାଳପ ଅଭିଯୋଗରେ NIA ଚଢାଉ
Plugin Install : Subscribe Push Notification need OneSignal plugin to be installed.
