ମହିଳା ଅନ୍ତଃସ୍ରାବୀ ସ୍ୱାସ୍ଥ୍ୟ ଉପରେ ହେବ ଜାତୀୟ ସମ୍ମିଳନୀ । ଅନ୍ତର୍ଜାତୀୟ ମହିଳା ଦିବସକୁ ଲକ୍ଷ୍ୟ ରଖି ମାର୍ଚ୍ଚ ୭ରୁ ମାର୍ଚ୍ଚ ୯ ପର୍ଯ୍ୟନ୍ତ ଭୁବନେଶ୍ୱରର ମେଫେୟାର ହୋଟେଲ କନଭେନସନ୍ରେ ଏହା ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ ୮୦ରୁ ଅଧିକ ପ୍ରତିନିଧି ଏବଂ ୭୫ ଜଣ ପ୍ରସିଦ୍ଧ ଜାତୀୟ ଅଧ୍ୟାପକ ସାମିଲ ହେବେ । ଏହି ସମ୍ମିଳନୀର ଲକ୍ଷ ରହିଛି ମହିଳାଙ୍କ ଅନ୍ତଃସ୍ରାବୀ ସ୍ୱାସ୍ଥ୍ୟ ସହିତ ଜଡିତ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଗୁଡିକୁ ସମାଧାନ କରିବା । ଏହାସହ ବିଭିନ୍ନ ବୟସ ଗୋଷ୍ଠୀର ମହିଳା ମାନଙ୍କୁ ପ୍ରଭାବିତ କରୁଥିବା ହରମୋନ ବ୍ୟାଧିର ସଚେତନତା, ନିବାରଣ ଓ ପରିଚାଳନା ଉପରେ ଧ୍ୟାନ ଦେବା ।
ଅନ୍ତର୍ଜାତୀୟ ମହିଳା ଦିବସ ଏବଂ ବିଶ୍ୱ ସ୍ଥୂଳତା ଦିବସ ପାଳନ କରି ଏହି କାର୍ଯ୍ୟକ୍ରମ ଆୟୋଜନ କରାଯାଉଛି । ଏଥିରେ ସ୍ଥୂଳତା, ମଧୁମେହ, ଥାଇରଏଡ୍ ପଲିଷ୍ଟିକ୍ ଓଭାରି ସିଣ୍ଟ୍ରୋମ, ଅଷ୍ଟିଓପୋରୋସିସ୍ ଏବଂ ପ୍ରଜନନ ସ୍ୱାସ୍ଥ୍ୟ ଚିନ୍ତା ସମେତ ଅନ୍ତଃସ୍ରାବୀ ରୋଗର ବୃଦ୍ଧି ପାଉଥିବା ପ୍ରସାର ଉପରେ ଆଲୋକପାତ କରାଯିବ ।
ଏହି ସମ୍ମିଳନୀରେ ୭୫ରୁ ଅଧିକ ପ୍ରମୁଖ ଜାତୀୟ ଅଧ୍ୟାପକ ମହିଳାମାନେ ପ୍ୟାନେଲ୍ ଆଲୋଚନା କରିବେ । ବିଶିଷ୍ଟ ଏଣ୍ଡୋକ୍ରାଇନୋଲୋଜିଷ୍ଟ, ସ୍ତ୍ରୀ ରୋଗ ବିଶେଷଜ୍ଞ, ଚିକିତ୍ସକ, ଗବେଷକ ଏଥିରେ ଅଂଶଗ୍ରହଣ କରିବା ସହିତ ଭାରତର ମହିଳାମାନଙ୍କ ଏଣ୍ଡୋକ୍ରାଇନ୍ ଯତ୍ନକୁ ଉନ୍ନତ କରିବା ଉପରେ ଗୁରୁତ୍ୱପୂର୍ଣ୍ଣ ଆଲୋଚନା ହେବ ।
