ମର୍ମନ୍ତୁଦ ସଡକ ଦୁର୍ଘଟଣା . ଧକ୍କା ଦେଲା ପିକଅପ୍ ଭ୍ୟାନ, ଆଖି ବୁଜିଲେ ଦୁଇ ଭଉଣୀ

ଢେଙ୍କାନାଳର ଟାଉନଥାନା ବାଜିଚୌକ ଛକରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ପିକଅପ୍ ଭ୍ୟାନ ଦୁର୍ଘଟଣାରେ ଘଟଣାସ୍ଥଳରେ ହିଁ ଦୁଇ ଭଉଣୀଙ୍କର ମୃତ୍ୟୁ ହୋଇଛି। ସେହିପରି ଦୁର୍ଘଟଣାରେ ଜଣଙ୍କର ଅବସ୍ଥା ଗୁରୁତର ଥିବା ଜଣାପଡିଛି । ଗୁରୁତର ରହିଥିବା ଶିଶୁକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମିଳିଥିବା ସୂଚନା ମୁତାବକ ମୃତ ଦୁଇ ଭଉଣୀ ହେଉଛନ୍ତି ସଇନା ସବର ଏବଂ ସୁହାନା ସବର। ସପରିବାର ବିହାରରୁ ମହୁ ବିକ୍ରି କରିବା ପାଇଁ ଢେଙ୍କାନାଳ ଆସିଥିଲେ । ବାଜିଚୌକ ସ୍ଥିତ ଓଭରବ୍ରିଜ ତଳେ ରହୁଥିଲେ। ସେପଟେ ଦୁର୍ଘଟଣା ପରେ ଘଟଣାସ୍ଥଳରୁ ଡ୍ରାଇଭର ଫେରାର ହୋଇଯାଇଥିବା ବେଳେ ଟାଉନଥାନା ପୋଲିସ ପହଞ୍ଚି ଅଧିକ ତଦନ୍ତ କରୁଛି।