ଭୁବନେଶ୍ୱର : ଦେଶର ଚାରୋଟି ରାଜ୍ୟରେ ଭୋଟ ଗଣତି ପରେ ଫଳାଫଳ ମିଳିସାରିଛି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟେଲିଫୋନ ଯୋଗେ କଥା ହୋଇଛନ୍ତି। ଆଜି ସକାଳେ ମମତାଙ୍କ ସହ କଥା ହୋଇ ତୃଣମୂଳ କଂଗ୍ରେସର ବିପୁଳ ବିଜୟ ପାଇଁ ମମତାଙ୍କୁ ମୁଖ୍ୟମନ୍ତ୍ରୀ ଶୁଭେଚ୍ଛା ଜଣାଇଛନ୍ତି। ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଟିଏମସି ବୃହତ ବିଜୟ ହାସଲ କରିଛି । ୨୯୨ ଆସନରେ ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ଟିଏମସି ୨୧୪ ଆସନରେ ବିଜୟୀଲାଭ କରିଥିବା ବେଳେ ବିଜେପି ୭୬ଟି ଆସନ ହାସଲ କରିଛି । ମମତାଙ୍କ ବିଜୟ ପରେ ତାଙ୍କୁ ଅନେକ ଆଡୁ ଶୁଭେଚ୍ଛାର ସୁଅ ଛୁଟିଛି । ସୋମବାର ସକାଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମମତାଙ୍କ ସହ ଫୋନ୍ ଯୋଗେ କଥା ହୋଇଛନ୍ତି । ଏହାସହ ଶୁଭେଚ୍ଛା ମଧ୍ୟ ଜଣାଇଥିବା ସୂଚନା ମିଳିଛି ।
ମମତାଙ୍କୁ ଫୋନରେ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ
Plugin Install : Subscribe Push Notification need OneSignal plugin to be installed.
