ମନ୍ତ୍ରୀପଦରୁ ବିଦା ହେବେ ପୃଥ୍ୱୀରାଜ ହରିଚନନ୍ଦ ।କୁହାଯାଉଛି ପୃଥ୍ୱୀରାଜ ବିଜେପି ପାଇଁ ପାଲଟିଲେଣି ମହାକାଳ ଫଳ । ଏ କଥା ବି ଲୋକେ କହିଲେଣି ପୃଥ୍ୱୀରାଜଙ୍କ କଂଟା ହେଲାଣି ଧର୍ମେନ୍ଦ୍ରଙ୍କ ସହ ତାଙ୍କ ଘନିଷ୍ଟ ସଂପର୍କ ।ନିଜ ବିଭାଗୀୟ ଦାୟିତ୍ୱ ସମ୍ଭାଳିବାରେ ଫେଲ୍ ପୃଥ୍ୱୀରାଜ ବାବୁ ।ମୁଖ୍ୟମନ୍ତ୍ରୀଙ୍କ ପରେ ସବୁଠାରୁ ପାବାରଫୁଲ୍ ମନ୍ତ୍ରୀ ହେଉଛନ୍ତି ପୃଥ୍ୱୀରାଜ ହରିଚନ୍ଦନ ।ତାଙ୍କୁ ରାଜ୍ୟର ପ୍ରମୁଖ ତିନୋଟି ବିଭାଗର ଦାୟିତ୍ୱ ମିଳିଛି ।ଆଇନ୍,ଅବକାରୀ ଓ ପୂର୍ତ ବିଭାଗ ଭଳି ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ ହୋଇଥିଲେ ମଧ୍ୟ କୌଣସି ଗୋଟିଏ ବିଭାଗରେ ମଧ୍ୟ ତାଙ୍କ କାମ ସନ୍ତୋଷଜନକ ନୁହେଁ ବୋଲି ଖୋଦ୍ ମୁଖ୍ୟମନ୍ତ୍ରୀ କୁଆଡେ ତାଙ୍କ ଉପରେ ଖପ୍ପା ଅଛନ୍ତି ବୋଲି ଶୁଣିବାକୁ ମିଳୁଛି ।ପୃଥ୍ୱୀବାବୁ ନୂଆ ନୂଆ ମନ୍ତ୍ରୀ ହେବା ପରେ ଅନେକ ଅଶା ତାଙ୍କ ଉପରେ ରଖିଥିଲେ ଲୋକେ କିନ୍ତୁ ନିଜ ବିଭାଗର ପ୍ରତିଟି କାର୍ଯ୍ୟରେ ବିଫଳ ହେଉଛନ୍ତି ପୃଥ୍ୱୀବାବୁ ।ଯେପରିକି ପୂର୍ବତନ ରାଜ୍ୟପାଳଙ୍କ ପୁଅ ଓଡିଆ ଏଏସ୍ଓଙ୍କୁ ମାଡ ମାରିବା ଘଟଣାର ତଦନ୍ତ ହୋଇ ପାରିଲା ନାହିଁ ।୨ମାସ କହି ୮ମାସ ବିତିଗଲା ପଛେ ଉକ୍ତ କର୍ମଚାରୀଙ୍କୁ ନ୍ୟାୟ ମିଳିଲାନି ।ବଡଠାକୁର ରଥର ଚାରମାଳ ଉପରୁ ପଡିଲେ,ଗତବର୍ଷ ରଥଯାତ୍ରାରେ ଅଘଟଣ ହେଉ କିମ୍ବା ରତ୍ନଭଣ୍ଡାର ତଦନ୍ତ ଓ ଧାଡି ଦର୍ଶନ ବ୍ୟବସ୍ଥା ଲାଗୁ କରିବା ପ୍ରସଙ୍ଗ ହେଉ ସବୁଥିରେ ଫେଲ ମାରିଲେ ପୃଥ୍ୱୀରାଜ ବାବୁ ।ଆଇନମନ୍ତ୍ରୀ ହିସାବରେ ପୃଥ୍ୱୀବାବୁଙ୍କର କୌଣସି ଘଟଣାରେ କାର୍ଯ୍ୟାନୁଷ୍ଠାନ ହେଲା ଶୂନ ।
ସେହିପରି ବିଷାକ୍ତ ମଦ ପାଇଁ ଚିକିଟିରେ ୫ଜଣଙ୍କ ଜୀବନ ଗଲା ।ଏ ଘଟଣାର ନିରପେକ୍ଷ ତଦନ୍ତ କରିବେ ପ୍ରତିଶୃତି ଦେଇଥିଲେ ବାବୁ ପୃଥ୍ୱୀରାଜ କିନ୍ତୁ ଘଟଣାକୁ ୬ମାସ ବିତି ଯାଇଥିଲେ ମଧ୍ୟ ପୃଥ୍ୱୀରାଜ ବାବୁ ଚୁପ୍ ।ସେହିପରି ପୂର୍ତ ବିଭାଗରେ କୌଣସି ବିକାଶମୂଳକ କାମ ହେବା ତ ଦୂରର କଥା ଗତ ୮ମାସରେ ପ୍ରାୟ ସମସ୍ତ କାମ ଠପ୍ ହୋଇ ପଡିଛି ।ପ୍ରତିଟି କାମରେ ବିଫଳତା ପାଇଁ ମୋହନ ସରକାରଙ୍କ ମନ୍ତ୍ରୀ ମଣ୍ଡଳରେ କୁଆଡେ ଅଲୋଡା ହେଲେଣି ପୃଥ୍ୱୀରାଜ ବାବୁ ।ଏପରିକି ଶୁଣିବାକୁ ମିଳୁଛି ବିଭାଗୀୟ ନିଷ୍ପତି ସମୟରେ ମୁଖ୍ୟମନ୍ତ୍ରୀଙ୍କୁ ହେୟ ଜ୍ଞାନ କରିବା ଏବଂ ଧର୍ମେନ୍ଦ୍ର ପ୍ରଧାନଙ୍କ ସହ ସଂପର୍କ ରଖିବା ପୃଥ୍ୱୀବାବୁଙ୍କ ପାଇଁ କାଳ ସାଜିଲାଣି ।ଏହା ମଧ୍ୟ ଶୁଣିବାକୁ ମିଳୁଛି ଖୋଦ୍ ବିଜେପି ବାଲାଏ କୁଆଡେ କହୁଛନ୍ତି ଏଥର ପୃଥ୍ୱୀରାଜ ବାବୁ ମନ୍ତ୍ରୀମଣ୍ଡଳରୁ ବିଦା ହେବା ଥୟ ।ତେବେ ଆଗାମୀ ଦିନରେ ଜଣା ପଡିବ ପୃଥ୍ୱୀରାଜ ବାବୁ ମନ୍ତ୍ରୀମଣ୍ଡଳରେ ରହୁଛନ୍ତି ନା ବିଦା ହେଉଛନ୍ତି ।
