ମଦ୍ୟପ ସ୍ଵାମୀ ଆକ୍ରମଣରେ ଗର୍ଭବତୀ ପତ୍ନୀ ଗୁରୁତର, କଟକ SCB ସ୍ଥାନାନ୍ତର

ମାଟିଗାଡ଼ିଆ ଗ୍ରାମରେ ମଦ୍ୟପ ସ୍ଵାମୀଙ୍କ ଆକ୍ରମଣରେ ଗର୍ଭବତୀ ପତ୍ନୀ ଗୁରୁତର, କଟକ SCB ସ୍ଥାନାନ୍ତର. ଶୁକ୍ରବାର ସନ୍ଧ୍ୟାରେ ସୁକିନ୍ଦା ଥାନା ଅଞ୍ଚଳର ଜଣେ ମଦ୍ୟପ ସ୍ଵାମୀ ଆକ୍ରମଣରେ ଗର୍ଭବତୀ ପତ୍ନୀ ଗୁରୁତର ଅବସ୍ଥାରେ ଶୁକ୍ରବାର ରାତି ୯ ଘଟିକା ସମୟରେ କଟକ SCB ସ୍ଥାନାନ୍ତର ହୋଇଥିବା ଦେଖିବାକୁ ମିଳିଛି । ସୁକିନ୍ଦା ଥାନା ଅନ୍ତର୍ଗତ ମାଟିଗାଡ଼ିଆ ଗ୍ରାମର ସୁନୀଲ ମହାନ୍ତ ଶୁକ୍ରବାର ସନ୍ଧ୍ୟାରେ ମଦ୍ୟପାନ କରି ତାଙ୍କ ପତ୍ନୀ ମିତା କାରୁଆଙ୍କୁ ଆକ୍ରମଣ କରିବା ସହ ପେଟକୁ ଗୋଇଠା ମାରିଥିଲେ। ଏହି ଆକ୍ରମଣରେ ଗର୍ଭବତୀ ମିତା ଗୁରୁତର ହୋଇଯାଇଥିଲେ। ପରିବାର ଲୋକେ ମିତାକୁ ଉଦ୍ଧାର କରି ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ମିତା ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କର ଅଧିକ ଚିକିତ୍ସା ନିମନ୍ତେ ତାଙ୍କୁ କଟକ ସ୍ଥାନାନ୍ତର କରାଯାଇଛି ।