ଆଜିକାଲି ଅଧିକାଂଶ ଅଭିଭାବକ ନିଜ ପିଲାକୁ ସ୍କୁଲ୍ ଛାଡିବା ପାଇଁ ସ୍କୁଲ୍ ବସ୍ର ସାହାରା ନିଅନ୍ତି । କିନ୍ତୁ ପିଲାଙ୍କୁ ସ୍କୁଲ ବସ୍ରେ ପାଠ ପଢ଼ାଇବାକୁ ଛାଡୁଥିଲେ ସାବଧାନ । ରାଜଧାନୀରେ ବିପଦଶଙ୍କୁଳ ଅବସ୍ଥାରେ ରହିଛି ସ୍କୁଲ ବସ୍ । ବିନା ଫିଟନେସରେ ପିଲାଙ୍କୁ ବସରେ ନେବା ଆଣିବା କରାଯାଉଛି । ବିଧାନସଭାରୁ ଆସିଛି କିଛି ଏଭଳି ସାଂଘାତିକ ତଥ୍ୟ । ପିଲାଙ୍କ ଜୀବନ ସହ ଖେଳ ଖେଳୁଛନ୍ତି ସ୍କୁଲ କର୍ତ୍ତୃପକ୍ଷ । ଭୁବନେଶ୍ବରରେ ୪୬୦ଟି ସ୍କୁଲ୍ ବସ ବିନା ଫିଟନେସରେ ଗଡୁଛି । ମୋଟ ୧୪୮୪ଟି ବସ ପଞ୍ଜିକୃତ ହୋଇଥିବା ବେଳେ ସେଥିରୁ ୪୬୦ଟି ବସର ଫିଟନେସ ନଥିବା ଉତ୍ତର ରଖିଛନ୍ତି ପରିବହନ ମନ୍ତ୍ରୀ ବିଭୂତି ଜେନା । ଯଦି ରାଜଧାନୀରେ ସ୍କୁଲ ଅବସ୍ଥା ଏପରି ତେବେ ଅନ୍ୟ ଜିଲ୍ଲାମାନଙ୍କରେ ପିଲା କେତେ ସୁରକ୍ଷିତ ତାକୁ ନେଇ ଏବେ ପ୍ରଶ୍ନ ଉଠିଛି ।
