ଭିଜିଲାନ୍ସ ଜାଲରେ ରାଉରକେଲା ଟିଡିସିସିର ଜିଲ୍ଲା ପରିଚାଳକ

ସୁନ୍ଦରଗଡ ଜିଲ୍ଲାର ଆଦିବାସୀ ବିକାଶ ସମବାୟ ନିଗମ (ଟିଡିସିସି)ର ମ୍ୟାନେଜର ଜୟପ୍ରକାଶ ମହାନ୍ତିଙ୍କୁ ଭିଜିଲାନ୍ସ ବେଆଇନ ଅର୍ଥ କାରବାରରେ ଧରିଛି। ଖବର ଅନୁଯାୟୀ ସେ ସୁନ୍ଦରଗଡର ତାଙ୍କ ବାସଭବନକୁ ଯାଉଥିବାବେଳେ ଡିଏସପି ସୁଧାଂଶୁ ପୂଜାରୀଙ୍କ ନେତୃତ୍ୱରେ ଏକ ଭିଜିଲାନ୍ସ ଟିମ୍ ମାସନିକାନି ଟୋଲ ପ୍ଲାଜାରେ ଗାଡିଟିକୁ ଗୋଡ଼ାଇ ଅଟକାଇଥିଲା। କାରକୁ ଖୋଜିବା ପରେ ଭିଜିଲାନ୍ସ ଅଧିକାରୀମାନେ ଗାଡିରେ ୧୯ ଲକ୍ଷ ଟଙ୍କା ପାଇଥିଲେ। ରିପୋର୍ଟରେ କୁହାଯାଇଛି ଯେ ଅର୍ଥର ଉତ୍ସ ସମ୍ବନ୍ଧରେ ସନ୍ତୋଷଜନକ ଉତ୍ତର ପ୍ରଦାନ କରିବାରେ ଅସମର୍ଥ ହୋଇଛନ୍ତି । ଶେଷ ରିପୋର୍ଟ ଆସିବା ପର‌୍ୟ୍ୟନ୍ତ ତାଙ୍କୁ ଭିଜିଲାନ୍ସ କାର୍ଯ୍ୟାଳୟରେ ପଚରାଉଚରା ଜାରି ରହିଛି । ଅନ୍ୟପଟେ ସେ ଝାରସୁଗୁଡାରୁ ଟ୍ରେନ୍ ଯୋଗେ ନିଜ ଘର ଭୁବନେଶ୍ବର ଯିବା ପାଇଁ ଟ୍ରେନ୍ ଟିକଟ୍ ମଧ୍ୟ କାଟି ସାରିଥିଲେ ।