ଭିଜିବ ଓଡ଼ିଶା, ରାଜ୍ୟକୁ ଭିଜାଇବ ଅଦିନିଆ ବର୍ଷା

ଭୁବନେଶ୍ୱର: ଭିଜିବ ଓଡ଼ିଶା, ଆଜିଠୁ ବର୍ଷା ସମ୍ଭାବନା। ରାଜ୍ୟକୁ ଭିଜାଇବ ଅଦିନିଆ ବର୍ଷା। ଶୀତ ପରେ ପରେ ଶୀଘ୍ର ଆସିଲା ବର୍ଷା। ଆଜିଠୁ ୧୯ତାରିଖ ଯାଏଁ ଘଡ଼ଘଡ଼ି ସହ ବର୍ଷା ହେବାର ଆଶଙ୍କା ରହିଛି। ଏନେଇ ୧୭ ଜିଲ୍ଲାପାଳଙ୍କୁ ସତର୍କ କରାଇଛନ୍ତି ଏସଆରସି। ବିଦର୍ଭ ଓ ଏହାର ଆଖପାଖ ଅଞ୍ଚଳରେ ସୃଷ୍ଟ ଘୂର୍ଣ୍ଣିବଳୟ ପ୍ରଭାବରେ ୧୭ ଜିଲ୍ଲାରେ ବର୍ଷା ହୋଇପାରେ। ଏହି ଘୂର୍ଣ୍ଣିବଳୟ ଉଚ୍ଚତା .୯ କିଲୋମିଟର ପର୍ଯ୍ୟନ୍ତ ତାର ଉଚ୍ଚତା ରହିଛି। ପାଣିପାଗ ବିଭାଗର ସୂଚନା ଅନୁଯାୟୀ ଆଜି ଏବଂ ଆସନ୍ତାକାଲି ରାଜ୍ୟର ଅଧିକାଂଶ ସ୍ଥାନରେ ବର୍ଷା ସମ୍ଭାବନା ରହିଛି। ଅନୁଗୁଳ, ବାଲେଶ୍ୱର, ବରଗଡ଼, ଭଦ୍ରକ, ବୌଦ୍ଧ, ବଲାଙ୍ଗିର, କଟକ, ଦେବଗଡ଼, ଢେଙ୍କାନାଳ, ଯାଜପୁର, ଝାରସୁଗୁଡା, କନ୍ଧମାଳ, କେନ୍ଦୁଝର, ମୟୂରଭଞ୍ଜ, ନୂଆପଡା, ସମ୍ବଲପୁର ଓ ସୁନ୍ଦରଗଡରେ ବର୍ଷା ହେବାର ଆଶଙ୍କା ରହିଛି।