ଭାଲୁ ଆକ୍ରମଣରେ ମହିଳା ଗୁରୁତର ଆହତ ହୋଇଥିବା ସୂଚନା ମିଳିଛି । ଏପରି ଘଟଣା ଶୁଣିବାକୁ ମିଳିଛି ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ମୋତିଗାଁ ପଞ୍ଚାୟତ ଅନ୍ତର୍ଗତ ଫାମ୍ଫୁଣି ଗାଁରେ.ଏହି ଗାଁର ସୁମିତ୍ରା ହରିଜନ କିଛି ମହିଳାଙ୍କ ସହ ସକାଳେ କୁସୁମୀ ବିଟ୍ ର ଫାମ୍ଫୁଣି ଗ୍ରାମର ପ୍ରସ୍ତାବିତ ସଂରକ୍ଷଣ ଜଙ୍ଗଲକୁ କେନ୍ଦୁପତ୍ର ତୋଳିବାକୁ ଯାଇଥିଲେ. ଏହି ସମୟରେ ହଠାତ୍ ଜଙ୍ଗଲରୁ ଏକ ଭାଲୁ ବାହାରି ସୁମିତ୍ରାଙ୍କୁ ଆକ୍ରମଣ କରିବା ପାଇଁ ଗୋଡାଇଥିଲା। ସୁମିତ୍ରା ପ୍ରାଣ ବିକଳରେ ଦୌଡିବା ପରେ ଗୋଡ ଖସଯିବାରୁ ସେ ତଳେ ପଡ଼ିଯାଇଥିଲି ।
ସଙ୍ଗେ ସଙ୍ଗେ ପରିବାର ଲୋକେ ସୁମିତ୍ରାଙ୍କୁ କୋଷାଗୁମୁଡ଼ା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଭର୍ତ୍ତି କରାଇଥିଲେ । ଡାକ୍ତରଙ୍କ ଚିକିତ୍ସା ପରେ ସୁମିତ୍ରାଙ୍କ ସ୍ବାସ୍ଥ୍ୟ ଅବସ୍ଥା ସ୍ଥିର ଥିବା ସୂଚନା ମିଳିଛି । ଖବର ପାଇ ବନ ବିଭାଗର କର୍ମଚାରୀ ଘଟଣାର ତଦନ୍ତ କରି ଥିବା ବେଳେ ସୁମିତ୍ରାଙ୍କୁ ସରକାରୀ ସହାୟତା ଯୋଗାଇଦେବାକୁ ପରିବାର ଲୋକେ ବନ ବିଭାଗ ନିକଟରେ ଅନୁରୋଧ କରିଛନ୍ତି । ବର୍ତମାନ ସୁମିତ୍ରା ଙ୍କ ସ୍ବାସ୍ଥ୍ୟ ଅବସ୍ଥା ଭଲ ଥିବାରୁ ସେ ନିଜ ଘରକୁ ଫେରିଛନ୍ତି ।
