ଅକ୍ଟୋବର ୩୧ ହେଉଛି ଭାରତର ପ୍ରଥମ ଉପମୁଖ୍ୟମନ୍ତ୍ରୀ ତଥା ଗୃହମନ୍ତ୍ରୀ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜନ୍ମ ବାର୍ଷିକୀ । ପ୍ରତିବର୍ଷ ଏହି ଦିନକୁ “ଜାତୀୟ ଏକତା ଦିବସ’ ବା “ରାଷ୍ଟ୍ରୀୟ ଏକତା ଦିବସ’ ଭାବେ ପାଳନ କରାଯାଏ । ଏହି ବର୍ଷ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୪୮ତମ ଜନ୍ମ ବାର୍ଷିକୀ । ସର୍ଦ୍ଦାର ପଟେଲ ୫୬୨ ରାଜକୁମାର ରାଜ୍ୟକୁ ଭାରତ ୟୁନିଅନରେ ଏକୀକରଣ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ରାଷ୍ଟ୍ର ଏକତା ପାଇଁ ସର୍ଦ୍ଦାର ପଟେଲଙ୍କ ଉଦ୍ୟମକୁ ସ୍ୱୀକାର କରିବା ପାଇଁ “ଜାତୀୟ ଏକତା ଦିବସ’ ପାଳନ କରାଯାଏ । “ଜାତୀୟ ଏକତା ପ୍ରତି ତାଙ୍କର ପ୍ରୟାସ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ ଭାରତର ଲୌହ ମାନବ କରିଦେଲା । ପଟେଲଙ୍କ ଅବଦାନକୁ ସମ୍ମାନ ଜଣାଇବା ପାଇଁ ପ୍ରତିବର୍ଷ ୩୧ ଅକ୍ଟୋବରରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଥାଏ । ୨୦୧୪ରେ କେନ୍ଦ୍ରର ମୋଦୀ ସରକାର ସର୍ଦ୍ଦାର ପଟେଲଙ୍କ ଜନ୍ମ ବାର୍ଷିକୀକୁ ୩୧ ଅକ୍ଟୋବରରେ “ଜାତୀୟ ଏକତା ଦିବସ’ ଭାବେ ପାଳନ କରିବାକୁ ନିଷ୍ପତି ନେଇଥିଲେ । “ଜାତୀୟ ଏକତା ଦିବସ’ର ଅନେକ ମହତ୍ୱ ରହିଛି । ସର୍ଦ୍ଦାର ପଟେଲଙ୍କ ସମ୍ମାନାର୍ଥେ ଭାରତ ସରକାର ଗୁଜୁରାଟର ନର୍ମଦା ନଦୀ ନିକଟରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ବିଶ୍ୱର ଉଚ୍ଚତମ ପ୍ରତିମୂର୍ତ୍ତି ନିର୍ମାଣ କରିଥିଲେ, ଯାହା ଭାରତରେ ଏକତାର ଶକ୍ତିର ପ୍ରତୀକ ରୂପେ ଠିଆ ହୋଇଛି। ୨୦୧୮ରେ ୧୮୨ ମିଟର ଉଚ୍ଚତାର ଏହି ମୂର୍ତ୍ତି ତିଆରି ହୋଇଥିଲା। ଏହି ଦିବସର ମୂଳ ଉଦ୍ଦେଶ୍ୟ ହେଉଛି ଦେଶର ଏକତାକୁ ବୃଦ୍ଧି କରିବା ଏବଂ ଭାରତୀୟ ଇତିହାସରେ ସର୍ଦ୍ଦାର ପଟେଲଙ୍କ ଅବଦାନ ବିଷୟରେ ସଚେତନତା ସୃଷ୍ଟି କରିବା। ୨୦୧୯ ମସିହାରେ ପ୍ରଧାନମନ୍ତ୍ରୀ ମୋଦୀ ଷ୍ଟାଚୁ୍ୟ ଅଫ୍ ୟୁନିଟି ଉପରେ ଜାତୀୟ ଏକତା ଦିବସର ଶପଥ ଗ୍ରହଣ କରିଥିଲେ । ଏହି ଶପଥ ହେଉଛି.. ମୁଁ ସମୂର୍ଣ୍ଣ ଭାବେ ପ୍ରତିଜ୍ଞା କରୁଛି ଯେ ମୁଁ ଦେଶର ଏକତା, ଅଖଣ୍ଡତା ଏବଂ ନିରାପତା ବଜାୟ ରଖିବା ପାଇଁ ନିଜକୁ ଉସôର୍ଗ କରୁଛି ଏବଂ ମୋର ସାଥୀ ଦେଶବାସୀଙ୍କ ମଧ୍ୟରେ ଏହି ବାର୍ତା ବିସ୍ତାର କରିବାକୁ କଠିନ ପରିଶ୍ରମ କରୁଛି । ମୁଁ ଏହି ପ୍ରତିଜ୍ଞା ମୋ ଦେଶର ଏକତାର ଭାବନାରେ ନେଉଛି, ଯାହା ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଦର୍ଶନ ଏବଂ କାର୍ୟ୍ୟ ଦ୍ୱାରା ସମ୍ଭବ ହୋଇପାରିଛି। ମୋ ଦେଶର ଆଭ୍ୟନ୍ତରୀଣ ସୁରକ୍ଷା ସୁନିଶ୍ଚିତ କରିବାରେ ମଧ୍ୟ ମୁଁ ସହଯୋଗ କରିବାକୁ ସ୍ଥିର କରିଛି।
Plugin Install : Subscribe Push Notification need OneSignal plugin to be installed.
