ଭାଜପାରେ ସାମିଲ ହେଲେ ଟେଲିଭିଜନର ବହୁ ଚର୍ଚ୍ଚିତ ଚେହେରା ରୁପାଲି ଗାଙ୍ଗୁଲି ଅରଫ “ଅନୁପମା’

ନୂଆଦିଲ୍ଲୀ, ୦୧/୦୫/୨୪:ଟେଲିଭିଜନ ତାରକା ରୁପାଲି ଗାଙ୍ଗୁଲି ଭାରତୀୟ ଜନତା ପାର୍ଟି (ବିଜେପି) ରେ ଯୋଗ ଦେଇଛନ୍ତି। ମେ ୧, ବୁଧବାର ଦିନ ନୂଆଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀ କରି ଗଣମାଧ୍ୟମକୁ ସୂଚନା ଦେଇଛନ୍ତି । ଗଣମାଧ୍ୟମକୁ ସୂଚନା ଦେଇ ଅନୁପମା ତାରକା କହିଛନ୍ତି, “ମୁଁ ଏଠାରେ ଥିବାରୁ ମୁଁ ଗର୍ବିତ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୋତେ ବହୁତ ପ୍ରଭାବିତ କରିଛନ୍ତି। ମୁଁ ପିଏମ ମୋଦୀଙ୍କର ଜଣେ ବଡ଼ ପ୍ରଶଂସକ। ବିଜେପି ବହୁତ ଭଲ କାମ କରୁଛି ତେଣୁ ମୁଁ ବିଜେପିରେ ଯୋଗଦେବାକୁ ଚାହୁଁଥିଲି। ମୁଁ ଦଳ ପାଇଁ ବହୁତ କୃତଜ୍ଞ। ”

ସାମ୍ବାଦିକ ସମ୍ମିଳନୀରେ ରୁପାଲିଙ୍କୁ ରାଜନ ରାଜନୈତିକ ନେତା ବିନୋଦ ତାୱଡେ ଏବଂ ଅନିଲ ବାଲୁନି ପାର୍ଟିରେ ସାମିଲ କରିଥିଲେ । ଅନୁପମା ତାରକା ନିଜର ରାଜନୈତିକ କ୍ୟାରିୟର ଘୋଷଣା କରିଥିବାବେଳେ ସେ ୨୦୨୪ ଲୋକସଭା ନିର୍ବାଚନ ପାଇଁ ନିର୍ବାଚନ ଲଢୁଛନ୍ତି କି ନାହିଁ ତାହା ଏପର୍ୟ୍ୟନ୍ତ ନିଶ୍ଚିତ ହୋଇପାରି ନାହିଁ।ରୁପାଲି ଚଳିତ ବର୍ଷ ବିଜେପିରେ ଯୋଗ ଦେଇଥିବା ବଲିଉଡ୍ ଅଭିନେତ୍ରୀ କଙ୍ଗନା ରାନାୱତ, ଅରୁଣ ଗୋଭିଲଙ୍କ ପ୍ରେରଣା ପ୍ରେରିତ ହୋଇ ପାର୍ଟିରେ ଯୋଗ ଦେଇଥିବା ସେ କହିଛନ୍ତି ।