ବ୍ଲକସ୍ତରୀୟ ଆଇନ ସଚେତନ କର୍ମଶାଳା

ରାଜ୍ୟ ମହିଳା କମିଶନ ଦ୍ୱାରା ଜିଲ୍ଲା ସାମାଜିକ କଲ୍ୟାଣ ବିଭାଗ ସଂଯୋଜନା ରେ ସୋରଡ଼ା ସମ୍ୱନ୍ୱିତ ଶିଶୁ ବିକାଶ ପ୍ରକଳ୍ପ ତରଫରୁ ପଞ୍ଚାନନ ମନ୍ଦିର କଲ୍ୟାଣ ମଣ୍ଡପ ଠାରେ ବ୍ଲକ ସ୍ତରୀୟ ଆଇନ ସଚେତନ ଶିବିର ବୁଧବାର ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ନଗରପାଳ ଶିବ ଶଙ୍କର ପଣ୍ଡା, ସାନମାନିତ ଅତିଥି ଭାବେ ବିଧାୟକ ପ୍ରତିନିଧି ତଥା ଜିପି ଶାସନ ସରପଞ୍ଚ ଦେବରାଜ ମଲିକ, ଗୋଚ୍ଛା ସରପଞ୍ଚ ତ୍ରିଲୋଚନ ସାହୁ, ଲାଠିପଡ଼ା ସରପଞ୍ଚ ଗୋପୀନାଥ ମଲିକ,ଗାଜଳବାଡ଼ି ସରପଞ୍ଚ ରଶ୍ମିତା ଆଚାର୍ଯ୍ୟ , ଜିଲ୍ଲା ପରିଷଦ ରାମ ଶବର, ଆଇନଜୀବି ଶ୍ରାବଣୀ ଦାସ,ପ୍ରମୁଖ ଯୋଗ ଦେଇଥିଲେ I ନାରୀ ମନେ ଶିକ୍ଷିତ ହେଲେ ସମାଜ, ପରିବାର, ଅଂଚଳ ତଥା ଦେଶ ସମୃଦ୍ଧି ରେ ସହାୟ ହେବା ସହ ଏକ ବିକଶିତ ଧାରା ପ୍ରବାହିତ ହେବ I ସମସ୍ତେ ଦେଶ ରେ ଆଇନ ସମ୍ବନ୍ଧରେ ନିହାତି ଜ୍ଞାନ ରଖିବା ଆବଶ୍ୟକ I ପ୍ରତି ମହିଳା ସମସ୍ତ ପ୍ରକାର ନିୟମ କାନୁନ ଉପରେ ଶିକ୍ଷା ଲାଭ କଲେ ସମାଜ ରେ ଶୃଙ୍ଖଳା ପରିସର ବୃଦ୍ଧି ପାଇବ I ଦୁର୍ନୀତି, ହିଂସା, ଦୁର୍ଘଟଣା, ଗଣ୍ଡଗୋଳ, ପାରିବାରିକ ସମସ୍ୟା, ଗୋଷ୍ଠୀ ଭିତ୍ତିକ ହିଂସା ଏ ସବୁକୁ ସମାଜ ରୁ ମୁଳୋତ୍ପାଟନ କରିବା ପାଇଁ ସାମୁହିକ ଭାବେ ଚେଷ୍ଟା ଜାରି ରଖିବାକୁ କୁହାଯାଇଥିଲା I ସମସ୍ତେ ଆଇନ ଅନୁଯାଇ ଚଳ ପ୍ରଚଳ ହେଲେ ସୁସ୍ଥ ସମାଜ ର ପରିକଳ୍ପନା କରାଇଯାଇ ପାରିବ ବୋଲି ଅତିଥି ମନେ କହିଥିଲେ I ଏଥିରେ ବ୍ଲକ ର 26 ପଂଚାୟତ ଓ ଏନ ଏ ସି ର ସମସ୍ତ ଅଙ୍ଗନ ବାଡ଼ି କର୍ମୀ, ମହିଳା ଗୋଷ୍ଠୀ ଯୋଗ ଦେଇଥିଲେ I