ପୋଲିସ ହାତରେ ଶେକ ମନତାଜର ପୁଅ ଶେଖ ସାରୁକ । ପ୍ରାୟ ୨୬୦ ଗ୍ରାମର ବ୍ରାଉନ ସୁଗାର ଚାଲାଣ ବେଳେ ମାଡ଼ି ବସିଲା ଜଳେଶ୍ୱର ପୋଲିସ। ଜବତ ବ୍ରାଉନ ସୁଗାର ର ଆନୁମାନିକ ମୂଲ୍ୟ ୨୬ ଲକ୍ଷ ଟଙ୍କା ହେବ ବୋଲି ସୂଚନା ଦେଇଛନ୍ତି ବାଲେଶ୍ୱର ଏସ ପି ରାଜ ପ୍ରସାଦ।
ସୂଚନା ରୁ ପ୍ରକାଶ ଆନ୍ତଃରାଜ୍ୟ ବ୍ରାଉନ ସୁଗାର ମାଫିଆ ଶେକ ମନତାଜର ପୁଅ ହେଉଛି ଶେକ ସାରୁକ। ମନତାଜର ଧଳା ଜହର ସାମ୍ରାଜ୍ୟକୁ ସମ୍ଭାଳୁ ଥିଲା ପୁଅ ଶେଖ ସାରୁକ। ଆଜି ଦ୍ୱିପ୍ରହର ପ୍ରାୟ ୨.୩୦ ସମୟ ବିପୁଳ ପରିମାଣର ବ୍ରାଉନସୁଗାର ସହ ପଶ୍ଚିମବଙ୍ଗ ସୀମାନ୍ତ ଏନ୍ ଏଚ୍ -୬୦ ଅଗ୍ରୱାଲା ନିକଟରୁ ଶେକ ସାରୁକକୁ ଗିରଫ କରିଛି ଜଳେଶ୍ୱର ପୋଲିସ। ଶେକ ମନତାଜ ପ୍ରାୟ ୫ ବର୍ଷ ପୂର୍ବରୁ ଜଳେଶ୍ୱର ପୋଲିସ ଦ୍ବାରା ଗିରଫ ହୋଇ ବର୍ତ୍ତମାନବି ଜେଲରେ ରହିଛି । ପୁଅ ବ୍ରାଉନ ସୁଗାର ସାମ୍ରାଜ୍ୟ କୁ ସମ୍ଭାଳୁ ଥିଲା । ପୂର୍ବରୁ ବହୁବାର ପୋଲିସ ହାତ ରୁ ଖସି ଯାଇଥିଲା ସାରୁକ । ୨୬ଲକ୍ଷ ଟଙ୍କା ର ବ୍ରାଉନ ସୁଗାର ସହ ବାଇକ ଓ କିଛି ଟଙ୍କା ଜବତ କରିଛି ଜଳେଶ୍ୱର ପୋଲିସ। ସାରୁକ୍ ନାମ ରେ ପୂର୍ବରୁ ଦୁଇଟି ମାମଲା ଥିବା ବେଳେ ସାରକୁ ବାପା ମନତାଜ ନାମ ରେ ୪ଟି ମାମଲା ରହିଛି।
