<h3>ପୁରୀ,୨୫/୦୪/୨୪: ପୁରୀ ଜିଲ୍ଲା ବ୍ରହ୍ମଗିରିରେ ବିଜେପିର ପ୍ରଚାର ଅଭିଯାନ ଜୋରଦାର ଚାଲିଛି। ବିଜେପି ପ୍ରାର୍ଥୀ ଉପାସନା ମହାପାତ୍ର ବ୍ରହ୍ମଗିରି ନିର୍ବାଚନ ମଣ୍ଡଳୀରେ ବିଶାଳ ରୋଡ଼ ଶୋ କରୁଛନ୍ତି। କେବଳ ସେତିକି ନୁହେଁ ଘରକୁ ଘର ବୁଲି ପ୍ରଚାର୍ ମଧ୍ୟ କରୁଛନ୍ତି। ବିଭିନ୍ନ ଅଞ୍ଚଳରେ ଆଶୀର୍ବାଦ ସମାବେଶ କରି ନିଜର ଶକ୍ତି ପ୍ରଦର୍ଶନ କରି ଆସୁଛନ୍ତି ବିଜେପି ପ୍ରାର୍ଥୀ ଉପାସନା ମହାପାତ୍ର। ଏହି କ୍ରମରେ ବ୍ରହ୍ମଗିରି ନିର୍ବାଚନ ମଣ୍ଡଳୀର ୨୯ ନମ୍ୱର୍ ଜିଲା ପରିଷଦ ଜୋନରେ ବିଜେପି ପ୍ରାର୍ଥୀ ଉପାସନା ମହାପାତ୍ର ବିଶାଳ ଆଶୀର୍ବାଦ ସମାବେଶ କରିଛନ୍ତି। ହଜାର ହଜାର ମହିଳାଙ୍କୁ ଏହି ସମାବେଶରେ ଦେଖିବାକୁ ମିଳିଚି। ବିଶେଷ କରି ମହିଳାଙ୍କ ସମର୍ଥନକୁ ନେଇ ଉପାସନା ଆଗାମୀ ନିର୍ବାଚନ ବୈତରଣୀ ପାର ହେବାକୁ ଯୋଜନା କରିଚନ୍ତି। ଏଥିପାଇଁ ଘରକୁ ଘର ବୁଲି ଉପାସନା ମହାପାତ୍ର ମହିଳାଙ୍କୁ ଭେଟି ସମର୍ଥନ ଲୋଡୁଛନ୍ତି। ତେବେ ପୁରୀ ବ୍ରହ୍ମଗିରିର ୨୯ ନମ୍ୱର୍ ଜିଲା ପରିଷଦ ଜୋନର କେରାଣ୍ଡିଆ ଠାରେ ଉପାସନା ଆଶୀର୍ବାଦ ସମାବେଶ କରି ପରୋକ୍ଷରେ ବିଜେଡିକୁ ତାଙ୍କର ଶକ୍ତି ପ୍ରଦର୍ଶନ କରିଛନ୍ତି। ତେବେ ସ୍ଥାନୀୟ ଅଞ୍ଚଳର ପୂର୍ବତନ ଲୋକପ୍ରିୟ ନେତା ଲୁଲୁ ମହାପାତ୍ରଙ୍କ ସେ ଝିଅ ଓ ତାଂକ ବାପାଙ୍କ ଭଳି ସେ ମଧ୍ୟ ସ୍ଥାନୀୟ ଅଂଚଳର ବିକାସ କାର୍ୟ୍ୟ କରିବାକୁ ତାଙ୍କର ଇଚ୍ଛା ଥିବା ଉପାସନା କହିଚନ୍ତି। ତେବେ ବିଜେଡିକୁ ମଧ୍ୟ ଟାର୍ଗେଟ କରିଛନ୍ତି ଉପାସନା। ସେ କହିଛନ୍ତି ବିଜେଡି ପୂର୍ବତନ ବିଧାୟକ ସଞ୍ଜୟ ଦାସ ବର୍ମା ହାରିବା ଭୟରେ ନିର୍ବାଚନ ମଣ୍ଡଳୀ ବଦଳାଇ ସତ୍ୟବାଦୀରେ ଲଢ଼ୁଛନ୍ତି। ତେବେ ସତ୍ୟବାଦୀର ବିଧାୟକ ଉମାକାନ୍ତ ସାମନ୍ତରାୟଙ୍କୁ ମଧ୍ୟ ସମାଲୋଚନା କରିଛନ୍ତି ଉପାସନା। ଯିଏ ନିଜ ମାଟିର ଉନ୍ନତି କରିପାରିଲା ନାହିଁ ସେ କିଭଳି ବ୍ରହ୍ମଗିରିରେ ଆସି ଉନ୍ନତି କରିବେ। ସେ କେବଳ ନିଜର ଉନ୍ନତି ପାଇଁ ଆସୁଛନ୍ତି। ବ୍ରହ୍ମଗିରିରୁ ଲୁଟି ନିଜର ବିକାସ ପାଇଁ ବିଜେଡି ପ୍ରାର୍ଥୀ ଆସିଛନ୍ତି। ଯାହାକୁ ବ୍ରହ୍ମଗିରି ବାସୀ ବୁଝି ସାରିଲେଣି। ବିଜେଡିକୁ ଏଥର କଡ଼ା ଜବାବ ଦେବେ ବ୍ରହ୍ମଗିରି ନିର୍ବାଚନ ମଣ୍ଡଳୀ ଭୋଟର୍। ଆଗାମୀ ନିର୍ବାଚନରେ ବିଜେପି ବିପୁଳ ବିଜୟ ହାସଲ କରିବ ବୋଲି ବିଜେପି ପ୍ରାର୍ଥୀ ଉପାସନା ମହାପାତ୍ର ଓ ତାଙ୍କ ସମର୍ଥକ କହିଛନ୍ତି।</h3>
