ଅଜଣା ବୋଲେରୋ ଧକ୍କାରେ ଚାଲିଗଲା ଦମ୍ପତ୍ତିଙ୍କ ଜୀବନ । ଦୀର୍ଘ ସମୟ ଧରି ରାସ୍ତାରୋକ କଲେ ଗ୍ରାମବାସୀ । ମୁରିବାହାଲ ବ୍ଲକ ପତ୍ରାପାଲି ଗାଁରେ ଏକ ଅଜଣା ବୋଲେରୋ ଗାଡ଼ି ଧକ୍କାରେ ସ୍ଵାମୀ ସ୍ତ୍ରୀ ଙ୍କ ସହ ସାଙ୍ଗରେ ଥିବା ଦୁଇ ବଳଦର ମଧ୍ୟ ମୃତ୍ୟୁ ଘଟିଥିବା ଜଣାଯାଇଛି । ପ୍ରତିଦିନ ଭଳି ନିଜ ଚାଷ ଜମିକୁ ଧାନ ବୁଣିବା ପାଇଁ ସ୍ବାମୀ, ସ୍ତ୍ରୀ ଓ ତାଙ୍କ ଦୁଇ ବଳଦ ସହ ଯିବା ସମୟରେ ଦୃତ ବେଗରେ ଏକ ଅଜଣା ବୁଲେରୋ ଗାଡ଼ି ଆସି ଧକ୍କା ଦେଇ ଫେରାର ହୋଇଯାଇଥିଲା । ଏହି ମୃତ୍ୟୁ ନେଇ ଗ୍ରାମବାସୀ ମୁଖ୍ୟ ରାସ୍ତାକୁ ଦୀର୍ଘ ସମୟ ଧରି ଅବରୋଧ କରି ରଖିଥିଲେ । ଦୀର୍ଘ ସମୟ ପରେ ମୁରିବାହାଲ ପୋଲିସ୍ ଥାନା ଅଧିକାରୀ ସି,ସିପୋରିଆ ଲୁଗୁନ ଓ ତହସିଲଦାର ଜଗଦୀଶ କର୍ତାମି ଘଟଣା ସ୍ଥଳ ରେ ପହଞ୍ଚି ଲୋକଙ୍କୁ ବୁଝା, ସୁଝା କରିଥିଲେ । ପରିବାର ରେ ଏବେ ମା ବାପା ହରେଇ ପୁଅ ହେମସାଗର ରଣା ଏକୁଟିଆ ହୋଇ ଯାଇଥିବା ଜଣାପଡିଛି । ତହସିଲଦାର ଜଗଦୀଶ କର୍ତ୍ତାମି କ୍ଷତିଗ୍ରସ୍ତ ପରିବାର ଲୋକଙ୍କୁ ଉପଯୁକ୍ତ ସରକାରୀ ସହାୟତା ପ୍ରଦାନ କରାଯିବ ବୋଲି ପ୍ରତିଶୃତି ଦେଇଥିଲେ । ସେହିପରି ଉକ୍ତ ଗାଡ଼ି କୁ ପୋଲିସ ଯଥା ଶୀଘ୍ର ଠାବ କରିଵ ବୋଲି କୁହାଯିବ ପରେ ରାସ୍ତାରୋକ ପ୍ରତ୍ୟାହୃତ ହୋଇଛି ।
