ବୀରାପ୍ପାନଙ୍କ ଝିଅ ଏବେ ରାଜନୀତିରେ

ବ୍ୟୁରୋ : ବାପା ଥିଲେ ଜଣେ କୁଖ୍ୟାତ ଜଙ୍ଗଲ ଦସ୍ୟୁ କିନ୍ତୁ ଝିଅ ଓହ୍ଲାଇଛନ୍ତି ଲୋକଙ୍କ ସେବା କରିବାକୁ। ଏପ୍ରିଲ ୧୯ରେ ତାମିଲନାଡୁରେ ହେବାକୁ ଥିବା ଲୋକସଭା ନିର୍ବାଚନରେ ନିଜ ଭାଗ୍ୟ ପରୀକ୍ଷା କରିବେ ବିରାପ୍ପାନଙ୍କ ଝିଅ ବିଦ୍ୟା ରାନୀ । ତାମିଲ ନ୍ୟାସନାଲିଷ୍ଟ ପାର୍ଟି ଅଫ୍ ନାମ ତାମିଝାର କାଚି ଟିକଟରେ କୃଷ୍ଣଗିରି ଲୋକସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବେ ବିଦ୍ୟା ରାନୀ। ବିଦ୍ୟା ରାନୀ ନିଜ ବାପାଙ୍କ ସହ କେବଳ ଥରେ ହି ଦେଖା ହୋଇଛନ୍ତି । ନିଜର ବୟାନରେ କହିଥିଲେ ଯେ ମୋ ବାପା ଲୋକଙ୍କ ସେବା କରୁଥିଲେ ହେଲେ କାମ କରିବାର ତରିକା ଉଚିତ୍ ନଥିଲା ଆଉ ମୁଁ ଲୋକ ସେବା କରିବା ପାଇଁ ହିଁ ରାଜନୀତିକୁ ଆସିଛି । ପେଶାରେ ଜଣେ ଓକିଲ ଥିବା ବିଦ୍ୟା ରାନୀ ଜୁଲାଇ ୨୦୨୦ରେ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ।