ମଣିପୁରର 10ଟି ବିରୋଧୀ ଦଳର ନେତାମାନେ ରାଜ୍ୟପାଳ ଅନୁସୁଇୟା ଉଇକେଙ୍କୁ ଭେଟି ରାଜ୍ୟରେ ଶାନ୍ତି ଫେରାଇ ଆଣିବା ପାଇଁ ଆଲୋଚନା ଆରମ୍ଭ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅନୁରୋଧ କରିବେ ବୋଲି ପ୍ରତିଶ୍ରୁତି ଦେଇଛନ୍ତି, ଶନିବାର ତାଙ୍କ କାର୍ୟ୍ୟାଳୟ ପକ୍ଷରୁ ଏହି ସୂଚନା ଦିଆୟାଇଛି।
ବିରୋଧୀ ଦଳ ନେତାଙ୍କୁ ନେଇ ଗଠିତ ଏହି ପ୍ରତିନିଧି ଦଳରେ ଡ: ଆପ୍, ଅଲ୍ ଇଣ୍ଡିଆ ଫରବାର୍ଡ ବ୍ଲକ୍, ଟିଏମ୍ସି, ସିପିଆଇ, ସିପିଆଇ(ଏମ୍), କଙ୍ଗ୍ରେସ, ଜେଡିୟୁ, ଏନ୍ସିପି, ଆର୍ଏସ୍ପି ଓ ଶିବସେନା (ୟୁବିଟି)।
ରାଜଭବନରେ ହୋଇଥିବା ବୈଠକରେ ସେମାନେ ଉଇକେଙ୍କୁ ଏକ ସ୍ମାରକପତ୍ର ପ୍ରଦାନ କରି ପ୍ରଧାନମନ୍ତ୍ରୀ ମୋଦୀଙ୍କ ସହ ଏକ ସର୍ବଦଳୀୟ ବୈଠକ ଆୟୋଜନ କରିବାକୁ ଅନୁରୋଧ କରିଥିଲେ।
ସ୍ମାରକପତ୍ରରେ କୁହାୟାଇଛି, କେନ୍ଦ୍ର ସରକାରଙ୍କ ଦ୍ୱାରା ଗଠିତ ଶାନ୍ତି କମିଟି ମଣିପୁରରେ ଶାନ୍ତି ଓ ସୌହାର୍ଦ୍ଦ୍ୟ ଫେରାଇ ଆଣିବା ପାଇଁ କୌଣସି ଆଖିଦୃଶିଆ କାର୍ୟ୍ୟ କରିନାହିଁ।
