ବିଦେଶୀ ମଦ ଚୋରି ଘଟଣାରେ ତିନି ଅଭିଯୁକ୍ତ ଗିରଫ ଓ କୋର୍ଟ ଚାଲାଣ

ନୂଆପଡା ଜିଲ୍ଲା ବୋଡେ଼ନ ବ୍ଲକ ଅନ୍ତର୍ଗତ ବୋଡ଼େନ ବସ ଷ୍ଟାଣ୍ଡ ପାଖ ବିଦେଶୀ ମଦ ଦୋକାନ ରୁ ବିଦେଶୀ ମଦ ଚୋରି ଘଟଣାରେ ତିନି ଅଭିଯୁକ୍ତଙ୍କୁ ଗିରଫ କରି ଆଜି ବୋଡେ଼ନ ପୋଲିସ ପକ୍ଷରୁ କୋର୍ଟ ଚଲାଣ କରାଯାଇଛି l ସୂଚନାନୁସାରେ ଏକ ତାରିଖ ରାତ୍ରୀରେ ବୋଡ଼େନ ବସ ଷ୍ଟାଣ୍ଡ ପାଖ ବିଦେଶୀ ମଦ ଦୋକାନ ର ସିଶି ଟିଭି,। ହାର୍ଡ ଡିଶ ତଥା ଭେଣ୍ଟିଲେଟର କୁ ଭାଙ୍ଗି ଚୋର ମାନେ ଲକ୍ଷ୍ୟାଧିକ ଟଙ୍କା ର ମଦ ଚୋରି କରି ନେଇ ଯାଇଥିଲେ, ଦୁଇ ତାରିଖ ସକାଳେ ଦୋକାନ ଖୋଲିବା ପରେ ବିଦେଶୀ ମଦ ଦୋକାନ ମ୍ୟାନେଜର ଶ୍ରୀକାନ୍ତ ସାହୁ ଚୋରି ହୋଇଥିବା ଜାଣି ସାଙ୍ଗେ ସାଙ୍ଗେ ବୋଡେ଼ନ ଥାନାରେ ଏକ ଲିଖିତ ଅଭିଯୋଗ କରିଥିଲେ l ଏହି ଅଭିଯୋଗକୁ ଭିତ୍ତିକରି ବୋଡ଼େନ ପୋଲିସ ସହ ସଦ୍ଧାନୀ କୁକୁର ଦଳ ଘଟଣା ସ୍ଥଳରେ ପହଞ୍ଚି ଛାନଭିନ ଆରମ୍ଭକରି ଥିଲେ । ଲଗାତାର ଦୁଇଦିନ, ଦିନରାତି ଏକ କରି ବୋଡ଼େନ ପୋଲିସ ଚୋର ଅନ୍ୱେଷଣରେ ଲାଗିପଡିଲେ l ପରେ ଅଭିଯୋଗ ମୁତାବକ ବୋଡେ଼ନ ଥାନା ଅଧିକାରୀ ଗୋବିନ୍ଦ ମାଝୀ ଙ୍କ ନେତୃତ୍ୱରେ ଏକ ଆଠ ଜଣିଆ ଟିମ ଗଠନ କରି ସମସ୍ତଙ୍କ କଠିନ ପରିଶ୍ରମ ବଳରେ ୪୮ ଘଣ୍ଟା ମଧ୍ୟରେ ଚୋର ମାନଙ୍କୁ ଗିରଫ କରିଥିଲେ ଏବଂ ଚୋର ମାନଙ୍କୁ ଲଗାଇ ବିଭିନ୍ନ ବ୍ରାଣ୍ଡ ର ୪୧ ବୋତଲ ବିଦେଶୀ ମଦ ବୋତଲ ନିକଟ ଗୁଡ଼ି ବନ୍ଦ ରୁ ଜବତ କରିଥିଲେ । ତାର ମୂଲ୍ୟ ୩୪,୪୩୦ ବୋଲି ପୋଲିସ ପକ୍ଷରୁ ଜଣା ପଡିଛି । ଆଠ ଜଣିଆ ଟିମ ମଧ୍ୟରେ ବୋଡେ଼ନ ଥାନା ପକ୍ଷରୁ ସବଇନିସ୍ପେକ୍ଟର ମଞ୍ଜୁଲତା ଖାଡ଼ଙ୍ଗା, ଜିତୁ ମହାନନ୍ଦ, ସୁରଥ ମାଝୀ, କେଦାର ମାଝୀ, ଲଳିତ ମୋହନ ନାୟକ, ହାବିଲଦାର କୃତିବାସ ପାନ, କନେଷ୍ଟବଳ ଅନନ୍ତ ଶବର ପ୍ରମୁଖ ସାମିଲ ଥିଲେ । ଉକ୍ତ ଘଟଣାରେ କେଶ ନମ୍ବର ୧୭୪/ ୨୪ ରୁଜୁକରି ଆଜି ବୋଡେ଼ନ ଗ୍ରାମର ଭାଙ୍ଗଖାଉ ମାଝୀ, ରୁଣ୍ଡି ଗ୍ରାମର ରୁପସିଂ ମାଝୀ ଓ ବିନୋପୁର ଗ୍ରାମର ପିଣ୍ଟୁ ନିଆଳ ଙ୍କୁ ବୋଡ଼େନ ପୋଲିସ ବିଦେଶୀ ମଦ ଚୋରି କେଶ ରେ ଗିରଫ କରି କୋର୍ଟ ଚାଲାଣ କରିଛନ୍ତି l ଉକ୍ତ ଘଟଣା ରେ ବୋଡ଼େନ ପୋଲିସ ଦିନରାତି ଏକ କରି ୪୮ ଘଣ୍ଟା ମଧ୍ୟରେ ଗୋଟାଏ ବଡ଼ ସଫଳତା ହାସଲ କରିଛି ।