ବିଜୟକେତନ ଖବରକାଗଜ ଶାଖା ନବମ ପ୍ରତିଷ୍ଠା ଦିବସ

ପୋଡାମାରି ସ୍ଥିତ ବିଜୟକେତନ ଖବରକାଗଜ ଶାଖା ନବମ ପ୍ରତିଷ୍ଠା ଦିବସ ମହା ଆଡମ୍ବରରେ ପାଳିତ ହୋଇଯାଇଛି । ସକାଳ ୯ଟାରେ ପୋଡାମାରି ପୂର୍ତବିଭାଗ ବଙ୍ଗଳାଠାରେ ଅତିଥିମାନଙ୍କୁ ଏକ ବିରାଟ ପଟୁଆରରେ ସ୍ୱାଗତ କରି ଅଣା ଯାଇଥିଲା । ଉକ୍ତ କାର୍ଯ୍ୟକ୍ରମକୁ ଦ୍ରେନିକ ଖବରକାଗଜର ସାମ୍ବାଦିକ ଶ୍ରୀ ରବୀନ୍ଦ୍ର କୁମାର ପଣ୍ଡା ଉଦଘାଟନ କରିଥିଲେ । ପ୍ରଥମେ ପ୍ରଦୀପ ପ୍ରଜ୍ୱଳନ ପରେ ବିଜୟକେତନ ଆନୁକୂଲ୍ୟରେ ପ୍ରକାଶିତ ସାର୍ଥକ ଭାଗବତ ପୁସ୍ତକ ଓ ବିଜୟ କେତନର ସ୍ୱତନ୍ତ୍ର ସଂଖ୍ୟାକୁ ଶ୍ରୀ ପଣ୍ଡା ମହୋଦୟ ଉଦଘାଟନ କରିଥିଲେ । ଏହି ସମାରୋହକୁ ବିଜୟକେତନ ଖବରକାଗଜର ପ୍ରତିଷ୍ଠାତା ତଥା କଥାବାଚକ ମାନସ ସାଗର ପଣ୍ଡିତ ବିଜୟ କୁମାର ପାଢୀଙ୍କ ସଭାପତିତ୍ୱରେ ପରିଚାଳିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ଟାଟାନଗର କେନ୍ଦ୍ରୀୟ ଡିଭିଜନ ରେଳବାଇର ବରିଷ୍ଠ ଅଧିକାରୀ ଶ୍ରୀଯୁକ୍ତ ପ୍ରକାଶ ଚନ୍ଦ୍ର ପାତ୍ର ମୁଖ୍ୟ ଅତିଥି ଭାବେ ଯୋଗଦାନ କରିଥିବା ବେଳେ ଶ୍ରୀଯୁକ୍ତ କିଶୋର ଚନ୍ଦ୍ର ଭଞ୍ଜ ପ୍ରବଚକ ତଥା ସମାଜ ସଂସ୍କାରକ ମୁଖ୍ୟବକ୍ତା ଭାବେ ଯୋଗଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ପୂର୍ବତନ ପୋଲିସ ଅଧିକାରୀ ଶ୍ରୀଯୁକ୍ତ ତପନ କୁମାର ପାଢୀ, ପାଟପୁର ଥାନା ଅଧିକାରୀ ଦୀପ୍ତିରଞ୍ଜନ ବେହେରା, ନାରୀ ନେତ୍ରୀ ଭାଗ୍ୟଲକ୍ଷ୍ମୀ ପାଢୀ, ଡ. ସରୋଜକାନ୍ତ ରଥ, ଶ୍ରୀ ବିଶ୍ୱମନୁ ନାୟକ ଓ ଲକ୍ଷ୍ମୀକାନ୍ତ ପଣ୍ଡା ପ୍ରମୁଖ ଯୋଗଦାନ କରିଥିଲେ । ଉକ୍ତ କାର୍ଯ୍ୟକ୍ରମ ବିଜୟକେତନ ଖବରକାଗଜର ସମ୍ପାଦକ ତଥା ପ୍ରବଚକ ଡଃ ନୃସିଂହ ପ୍ରସାଦ ପାଢୀଙ୍କ ତତ୍ୱାବଧାନରେ ପରିଚାଳିତ ହୋଇଥିଲା । ପ୍ରଥମେ ଅତିଥିମାନଙ୍କୁ ଅନୁଷ୍ଠାନର ସମ୍ପାଦକ ଶ୍ରୀ ପାଢୀ ସ୍ୱାଗତ କରିଥିଲେ । ଶେଷରେ ଖବରକାଗଜର ସମ୍ପାଦକ ଶ୍ରୀ ନୃସିଂହ ପ୍ରସାଦ ପାଢୀ ଧନ୍ୟବାଦ ଅର୍ପଣ କରିଥିଲେ । ଉକ୍ତ କାର୍ଯ୍ୟକ୍ରମରେ ବିଶ୍ୱର କଲ୍ୟାଣ ନିମନ୍ତେ ସମୂହ ଗୀତାପାଠ କରାଯାଇଥିଲା ।