ନୂଆଦିଲ୍ଲୀ,(ଏନଏନଏସ ଓଡ଼ିଆ /୨୦.୦୨): ମେଘାଳୟରେ ଏବେ ମେଘାଳୟର ରାଜନୈତିକ ପାଣିପାଗ ଏବେ ସରଗରମ ରହିଛି। ୨୭ ଫେବୃଆରୀରେ ଏଠାରେ ନିର୍ବାଚନ ଅନୁଷ୍ଠିତ ହେବ। ଏହି ସମୟ ରେ ଭାରତୀୟ ଜନତା ପାର୍ଟିର ରାଜ୍ୟ ସଭାପତି ଅର୍ନେଷ୍ଟ ମୱାରୀଙ୍କ ବିବୃତ୍ତି ରାଜନୀତି ପାଣିପାଗକୁ ଆହୁରି ସରଗରମ କରିଛି । ନିର୍ବାଚନ ପୂର୍ବରୁ ମୱାରୀ ଏକ ଆଶ୍ଚର୍ଯ୍ୟଜନକ ବିବୃତ୍ତି ଦେଇ କହିଛନ୍ତି ଯେ ବିଜେପିରେ ଗୋମାଂସ ଖାଇବାକୁ କୌଣସି ପ୍ରତିବନ୍ଧକ ନାହିଁ।
ଇଣ୍ଡିଆ ଟୁଡେ କୁ ଦେଇଥିବା ଏକ ସାକ୍ଷାତକାରରେ ମୱାରୀ କହିଛନ୍ତି ଯେ ବିଜେପିରେ ଗୋମାଂସ ଖାଇବା ଉପରେ କୌଣସି ପ୍ରତିବନ୍ଧକ ନାହିଁ। ସେ କହିଛନ୍ତି ଯେ ସେ ନିଜେ ଗୋମାଂସ ଖାଉଛନ୍ତି ଏବଂ ଏଥିରେ କାହାରି କିଛି ଅସୁବିଧା ନାହିଁ। ସେ ଆହୁରି ମଧ୍ୟ କହିଛନ୍ତି ଯେ ବିଜେପି ଭିତରେ ଏହାକୁ ନେଇ କୌଣସି ଅସୁବିଧା ନାହିଁ। ଦଳ କୌଣସି ଜାତି, ଧର୍ମକୁ ବିରୋଧ କରେ ନାହିଁ। ଆମେ ଯାହା ଚାହିଁବା ଖାଇ ପାରିବା, ଏହା ଆମର ଖାଇବା ଅଭ୍ୟାସରେ ଅନ୍ତର୍ଭୁକ୍ତ । କୌଣସି ରାଜନୈତିକ ଦଳର ଏଥିରେ କାହିଁକି ଅସୁବିଧା ହେବ?
