କଟକ : କଟକ ଜିଲ୍ଲା ବିଜେଡି ସଭାପତି ତଥା ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟଙ୍କ ନେତୃତ୍ୱରେ ଏହି ବୈଠକ ଅନୁଷ୍ଠିତ ହୋଇଥିଲା। କଟକ ଲୋକସଭା ପାଇଁ ବିଜେଡି ସୁପ୍ରିମୋ ଦଳର ରାଷ୍ଟ୍ରୀୟ ମୁଖପାତ୍ର ସନ୍ତ୍ରୁପ୍ତ ମିଶ୍ରଙ୍କ ନାଁ କଟକ ଲୋକସଭା ପ୍ରାର୍ଥୀ ଭାବେ ଘୋଷଣା କରିଛନ୍ତି। ତେବେ ସଂତୃପ୍ତ ମିଶ୍ରଙ୍କ ସହ କଟକ ସଂସଦୀୟ କ୍ଷେତ୍ରର ସମସ୍ତ ବିଜେଡି ବିଧାୟକ ପ୍ରାର୍ଥୀଙ୍କୁ ବିଜୟୀ କରିବା ପାଇଁ ଏହି ବୈଠକରେ ଆଲୋଚନା କରାଯାଇଛି। ଏହି ବୈଠକରେ ସଂତ୍ରୁପ୍ତ ମିଶ୍ରଙ୍କ ସହ ଆଠଗଡ ବିଧାୟକ ପ୍ରାର୍ଥୀ ରଣେନ୍ଦ୍ର ପ୍ରତାପ ସ୍ଵାଇଁ, ବାଙ୍କୀ ବିଧାୟକ ପ୍ରାର୍ଥୀ ଦେବୀ ରଞ୍ଜନ ତ୍ରିପାଠୀ, କଟକ ଚୌଦ୍ଵାର ବିଧାୟକ ପ୍ରାର୍ଥୀ ସୌଭିକ ବିଶ୍ଵାଳ, କଟକ ସଦର ବିଧାୟକ ପ୍ରାର୍ଥୀ ଚନ୍ଦ୍ର ସାରଥୀ ବେହେରା, ବଡମ୍ବା ବିଧାୟକ ପ୍ରାର୍ଥୀ ଦେବୀ ପ୍ରସାଦ ମିଶ୍ର, ମେୟର ସୁବାସ ସିଂ, ବରିଷ୍ଠ ନେତା, ନେତ୍ରୀ କର୍ମୀ ଉପସ୍ଥିତ।
