ବିଗ ବସ୍-୧୪ ବାଜି ମାରିଲେ ରୁବିନା ଦିଲାଏକ୍

ମୁମ୍ବାଇ: ଗତକାଲି ବିଗ୍ ବସ୍ ଶୋ ର ହୋଷ୍ଟ ସଲମାନ ଖାନ୍ ୧୪ତମ ସିଜିନର ବିଜେତାଙ୍କ ନାମ ଘୋଷଣା କରିଛନ୍ତି । ବିଗ୍ ବସ୍ ୧୪ର ବିଜେତା ରୁବିନା ଦିଲାଏକ୍ ହୋଇଛନ୍ତି । ଶେଷରେ ସତ ହେଲେ ଦର୍ଶକଙ୍କ ଭବିଷ୍ୟବାଣୀ। ବିଗ ବସ୍-୧୪ରେ ବାଜି ମାରିଲେ ଟେଲି ଭିଜନ ଦୁନିଆର ଛୋଟି ବହୂ । ଶୋ’ର ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ଟାଇଟଲ ହାତେଇଲେ ରୁବିନା ଦିଲାଏକ୍ । ବିଜେତା ରୂପେ ଶୋର ହୋଷ୍ଟ ସଲମାନ ଖାନ ତାଙ୍କ ନାଁ ଘୋଷଣା କରିଛନ୍ତି। ରୁବିନାଙ୍କୁ ବିଗବସ୍ ଟ୍ରଫି ମିଳିବା ସହ ନଗଦ ୩୬ ଲକ୍ଷ ଟଙ୍କା ଅର୍ଥ ରାଶି ପରଷ୍କା ବିଗ ବସ୍ ଶୋ’ ଆରମ୍ଭରୁ ରୁବିନାଙ୍କୁ ଜଣେ ଶକ୍ତିଶାଳୀ ପ୍ରତିଯୋଗୀ ଭାବେ ଗଣା ଯାଉଥିଲା। ସେ ଶୋ’ରେ ବେଶ୍ ଦମଦାର ପ୍ରଦର୍ଶନ କରିଥିଲେ। ତେବେ ବିଗ ବସ୍ ସିଜିନ ୧୪ ଆରମ୍ଭରୁ ରୁବିନାଙ୍କୁ କିଛି ଅସୁବିଧା ହୋଇଥିଲା। ସେ ଏହି ଶୋକୁ ଠିକ୍ ଭାବେ ବୁଝି ପାରିନଥିଲେ। କିନ୍ତୁ ପରେ ସେ ଶୋ’ରେ ଏପରି ଦମଦାର ପ୍ରଦର୍ଶନ କରିଥିଲେ ଯେ, ସମସ୍ତେ ତାଙ୍କର ଟାସ୍କ ପୂରଣ ଶୈଳିକୁ ପ୍ରଶଂସା କରିଥିଲେ । ରୁବିନା ଦିଲାଏକ୍ଙ୍କ ପାଇଁ ‘ବିଗ୍ ବସ୍’ର ଯାତ୍ରା ଆଦୈ ସହଜ ନଥିଲା। ଶୋ’ରେ ସେ ନିଜ ସହ ଅନେକ ଥର ସଂଘର୍ଷ କରିଥିଲେ। ଏପରିକି ସେ ଶୋ’ରେ ତାଙ୍କ ସ୍ୱାମୀ ଅଭିନାଭ ଶୁକ୍ଲାଙ୍କ ସହ ଥିବା ସମ୍ପର୍କ ବିଷୟରେ ବଡ ଖୁଲାସା ମଧ୍ୟ କରିଥିଲେ। ରୁବିନା କହିଥିଲେ ଯେ ସେ ଏବଂ ଅଭିନାଭ ଛାଡପତ୍ର ନେବାକୁ ଯାଉଛନ୍ତି। ଆମେ ଦୁହେଁ ପରସ୍ପରକୁ କିଛି ସମୟ ଦେଇଛୁ | ଏହା ପରେ ବିଗ୍ ବସ୍ କୁ ଆସିବାକୁ ସ୍ଥିର କରିଥିଲୁ ବୋଲି ସେ କହିଥିଲେ| ରୁବିନା ଅନେକ ଥର ଶୋ’ର ହାଇଲାଇଟସ୍ ରହି ସାରିଛନ୍ତି। ଚଳିତ ସିଜିନରେ ଫାଇନାଲ ରାଉଣ୍ଡକୁ ପ୍ରଥମଥର ପାଇଁ ୫ ଜଣ ପ୍ରତିଯୋଗୀ ଯିବାର ସୁଯୋଗ ପାଇଥିଲେ। ୫ଜଣ ପ୍ରତିଯୋଗୀଙ୍କ ମଧ୍ୟରେ ରୁବିନା ଦିଲାଏକ୍, ନିକି ତାମ୍ବେଲା, ଅଲି ଗୋନି, ରାହୁଲ ବୈଦ୍ୟ ଏବଂ ରାଖି ସାୱନ୍ତ ନାଁ ସାମିଲ ଥିଲା। କିନ୍ତୁ ଏ ସମସ୍ତଙ୍କୁ ରୁବିନା ପଛରେ ପକାଇ ବିଗବସ ଟ୍ରଫିକୁ ନିଜ ନାଁରେ କରିନେଛନ୍ତି। ଗତକାଲି ବିଳମ୍ବିତ ରାତିରେ ଶୋ’ର ବିଜେତା ଙ୍କ ନାମ ପ୍ରକାଶ ପାଇଥିଲା । ରୁବିନା ଏହି ଗ୍ରାଣ୍ଡ ଫାଇନାଲରେ ରାଖୀ ସାୱନ୍ତ, ନିକ୍କି ତାମ୍ବୋଲି, ରାହୁଲ ବୈଦ୍ୟ ଏବଂ ଅଲି ଗୋନି ଙ୍କ ସହ ଟକ୍କର ଦେଇଥିଲେ । ଏହି ଷ୍ଟାରମାନଙ୍କ ବ୍ୟତୀତ ସୋସିଆଲ ମିଡିଆରେ ଆହୁରି ଅନେକ ସେଲିବ୍ରେଟି ଟ୍ୱିଟ୍ କରି ରୁବିନାଙ୍କୁ ଶୁଭେତ୍ସା ଜଣାଇଛନ୍ତି ।