ବାପୁଙ୍କୁ ମନେପକାଉଛି ସାରା ଦେଶ

ଆଜି ଜାତିର ପିତା ମହାତ୍ମା ଗାନ୍ଧୀଙ୍କ ସହିଦ ଦିବସ। ୧୯୪୮ ମସିହା ଜାନୁଆରି ୩୦ ତାରିଖ ସନ୍ଧ୍ୟା ୫ଟା ୧୭ ମିନିଟ ଗାନ୍ଧୀଙ୍କ ଜୀବନର ଅନ୍ତିମ କ୍ଷଣ ଥିଲା। ବିରଳା ଭବନରେ ସେ ଦିନର ପ୍ରାର୍ଥନା ସଭା ବିଳମ୍ବ ହୋଇଥାଏ। ଗାନ୍ଧୀ ପ୍ରାର୍ଥନା ସ୍ଥଳ ଅଭିମୁଖେ ଚାଲିଥାନ୍ତି। ଖାକି ପୋଷାକ ପରିହିତ ଯୁବକଟିଏ ପାଦସ୍ପର୍ଶର ଛଳନା କରି ଗାନ୍ଧୀଙ୍କ ସାମନାରେ ସାମାନ୍ୟ ନଇଁ ପଡ଼ିଲା ଓ ଲୁଚେଇ ରଖିଥିବା ସ୍ବୟଂଚାଳିତ ପିସ୍ତଲରୁ ତାଙ୍କ ଛାତି ଉପରକୁ ତିନିଥର ଗୁଳି ଚଳେଇ ଦେଲା। ଗାନ୍ଧୀ ସେଇଠାରେ ଟଳିପଡ଼ିଲେ। ଯାହାକୁ ନେଇ ଆଜି ସାରା ଭାରତ ତିରୋଧାନ ଦିବସର ପାଳନ କରୁଛି ।