ଚଣ୍ଡିଖୋଲ, ପାରାଦ୍ୱୀପ ଜାତୀୟ ରାଜପଥ ପାରାଦ୍ୱୀପ ଗଡ଼ ନିକଟରେ ଘଟିଯାଇଛି ମର୍ମନ୍ତୁଦ ସଡ଼କ ଦୁର୍ଘଟଣା । ପାରାଦ୍ଵୀପଗଡ ମାରୁତି କଣ୍ଟା ନିକଟରେ ଏକ ବାଇକ ଆରୋହୀଙ୍କ ଉପରେ ଟ୍ରଲର ଚଢି ଯିବାରୁ ଘଟଣାସ୍ଥଳରେ ବାଇକ ଚାଳକ ଙ୍କ ମୃତ୍ୟୁ ଘଟିଛି । ମୃତ ବ୍ୟକ୍ତି ଜଣକ ହେଉଛନ୍ତି କେନ୍ଦ୍ରାପଡା ଜିଲ୍ଲା ଜଦୁପୁର ଗ୍ରାମର ଅରକ୍ଷିତ ସାହୁ। ଅରକ୍ଷିତ ବାଇକ ଯୋଗେ ନିଜ ଗ୍ରାମରୁ ପାରାଦୀପ ଆଡକୁ ଯାଉଥିବା ସମୟରେ ମାରୁତି କଣ୍ଟା ନିକଟରେ ଏକ ଟ୍ରଲର ତାଙ୍କୁ ପଛ ପଟୁ ଧକ୍କା ଦେଇଥିଲା । ଫଳରେ ଅରକ୍ଷିତ ବାଇକ ରୁ ତଳେ ପଡିଯିବାରୁ ତାଙ୍କ ମୁଣ୍ଡ ଉପରେ ଆଇରନ ପ୍ଲେଟ ବୋଝେଇ ଟ୍ରଲର ଗାଡିଟି ଚଢି ଯାଇଥିଲା। ଘଟଣାସ୍ଥଳ ରେ ହିଁ ଅରକ୍ଷିତ ଙ୍କ ମୃତ୍ୟୁ ଘଟିଛି। ଖବର ପାଇ ଘଟଣାସ୍ଥଳ ରେ ଲକ୍ ଥାନା ପୋଲିସ ପହଞ୍ଚି ମୃତ ଦେହ କୁ ଅଠରବାଙ୍କି ଗୋଷ୍ଠି ସ୍ବାସ୍ଥ୍ୟକେନ୍ଦ୍ର କୁ ପଠାଇ ଘଟଣା ର ଛାନଭିନ ଚଳାଇଛି ।
