ବାଂଲାଦେଶରେ ଗୋଟେ ରେଷ୍ଟରାଣ୍ଟରେ ଘଟିଛି ଭୟଙ୍କର ଅଗ୍ନିକାଣ୍ଡ । ଅଗ୍ନିକାଣ୍ଡରେ ପ୍ରାୟ ୪୦ ରୁ ଅଧିକ ମୃତ ଥିବା ସୂଚନା ମିଳିଛି । ସୂଚନା ଅନୁସାରେ, ଗୁରୁବାର ବିଳମ୍ବିତ ରାତିରେ ବାଂଲାଦେଶର ରାଜଧାନୀ ଢାକାରେ ଥିବା ଗୋଟେ ରେଷ୍ଟରାଣ୍ଟରେ ଅଗ୍ନିକାଣ୍ଡ ଘଟିଛି । ରାତି ସମୟରେ ନିଆଁ ଲାଗିଥିବାରୁ ରେଷ୍ଟରାଣ୍ଟରେ ଥିବା ଲୋକମାନେ ବାହାରକୁ ଆସି ପାରିନଥିଲେ । ଫଳରେ ଅଗ୍ନିକାଣ୍ଡରେ ପ୍ରାୟ ୪୦ ରୁ ଅଧିକ ଲୋକଙ୍କର ମୃତ୍ୟୁ ହେବା ସହିତ ଅନେକ ଲୋକ ଆହତ ମଧ୍ୟ ହୋଇଛନ୍ତି ।
ନିଆଁ ସାରା ରେଷ୍ଟରାଣ୍ଟରେ ବ୍ୟାପି ଯାଇଥିଲା । ଯାହାଫଳରେ ଏତେ ଲୋକଙ୍କ ମୃତ୍ୟୁ ହେବା ସହିତ ବହୁ କ୍ଷୟକ୍ଷତି ମଧ୍ୟ ହୋଇଛି । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଆହତ ଓ ମୃତକଙ୍କୁ ଉଦ୍ଧାର କରିବା ସହିତ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ । ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରିଛନ୍ତି । ଅଗ୍ନିକାଣ୍ଡ ଘଟିବାର କାରଣ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
