ଭୁବନେଶ୍ୱର: ରାଜ୍ୟରେ ଅନେକ ଜଙ୍ଗଲରେ ନିଆଁ ଲାଗୁଥିବାର ଦେଖାଯାଇଛି। ନିକଟରେ ଶିମିଳିପାଳ ଅଭୟାରଣ୍ୟରେ ଲାଗିଥିବା ନିଆଁ ବହୁ କଷ୍ଟରେ ଆୟତ୍ତ ହୋଇଥିବା ବେଳେ ଏବେ ବି କେତେକ ସ୍ଥାନରେ ନିଆଁ ଜଳୁଛି। ଏହି କ୍ରମରେ ଖୋର୍ଦ୍ଧା ବରୁଣେଇ ପାହାଡ଼ରେ ନିଆଁ ଲାଗିଥିବା ଆଜି ଦେଖିବାକୁ ମିଳିଛି। ପାହାଡ଼ର ଗଡ଼ ଖୋର୍ଦ୍ଧା ପଟୁ ନିଆଁ ଲାଗିଥିବା ଜଣାପଡ଼ିଛି। ଅନ୍ୟପଟେ ଜଙ୍ଗଲ ନିଆଁ ଖବର ପାଇ ଖୋର୍ଦ୍ଧା ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଲିଭାଇବାକୁ ଚେଷ୍ଟା କରୁଛି । ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ ଜାରି ରହିଛି। ତେବେ ନିଆଁ ଲାଗିବାର ପ୍ରକୃତ କାରଣ ଏଯାବତ୍ ଜଣାପଡ଼ିନାହିଁ।
