ବରଗଡରେ ପାଳିତ ହେଲା ଯୋଗଦିବସ

ବରଗଡ଼: ଆଜି ଅନ୍ତର୍ଜାତୀୟ ଯୋଗ ଦିବସ l ଚଳିତ ବର୍ଷ 10ମ ଅନ୍ତର୍ଜାତୀୟ ଯୋଗ ଦିବସ ପାଳନ ହୋଇଛି l ଏହି ଅବସରରେ ବରଗଡ଼ ଇଣ୍ଡୋର ଷ୍ଟାଡିୟମରେ ଜିଲ୍ଲା ସ୍ତରୀୟ ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଛି l ଆୟୋଜିତ ଯୋଗ ଦିବସରେ ବରଗଡ଼ ବିଧାୟକ ଅଶ୍ୱିନୀ ଷଡଙ୍ଗୀ, ବରଗଡ଼ ଜିଲ୍ଲା ପଲ୍ ଆଦିତ୍ୟ ଗୋୟଲ, ଉପଜିଲ୍ଲାପାଳ କୁମାର ନାଗ ଭୂଷଣ , ଛାତ୍ରଛାତ୍ରୀ ଓ ଜନ ସାଧାରଣ ସାମିଲ ହୋଇଥିଲେ l ପୂର୍ବରୁ ରାଜ୍ୟ ସରକାର ଏହାକୁ ଠିକ୍ ଭାବେ ପାଳନ କରୁନଥିଲେ l ସରକାର ପରିବର୍ତ୍ତନ ହେବାପରେ ବରଗଡ଼ରେ ଆନନ୍ଦ ଉଲ୍ଲାସରେ ଯୋଗ ଦିବସକୁ ପାଳନ କରାଯାଇଥିବା କହିଛନ୍ତି ବରଗଡ଼ ବିଧାୟକ ଅଶ୍ୱିନୀ ଷଡଙ୍ଗୀ l ସେପଟେ ବରଗଡ଼ ଜିଲ୍ଳାର ସମସ୍ତ ବ୍ଲକରେ ମଧ୍ୟ ଯୋଗ ଦିବସ ପାଳିତ ହୋଇଛି l ଏଥିରେ ସାମିଲ ହୋଇଥିବାରୁ ଜନ ସାଧାରଣଙ୍କୁ ଧନ୍ୟବାଦ ଜଣାଇଛନ୍ତି ଜିଲ୍ଲାପାଳ l