ବନ୍ଧଗାଁ ରେଙ୍ଗାଲି ପାଣିରେ ବୁଡି ଯୁବକ ମୃତ

ସୁକିନ୍ଦା ଥାନା ଅନ୍ତର୍ଗତ ବନ୍ଧଗାଁ ରେଙ୍ଗାଲି ମଙ୍ଗଳବାର ଅପରାହ୍ନ 5 ଘଟିକା ସମୟରେ ପାଣିରେ ବୁଡି ଯୁବକ ମୃତ୍ତ୍ୟୁବରଣ କରିଥିବା ଦେଖିବାକୁ ମିଳିଛି । ସୂଚନା ମୁତାବକ ଦାନଗଦି ବ୍ଲକ ଅନ୍ତର୍ଗତ ଚିତ୍ରୀ ଗ୍ରାମର କୁନ୍ତ ରାଉତଙ୍କ 35 ବର୍ଷିୟ ପୁଅ ପଦ୍ମନାଭ ରାଉତ ସୁକିନ୍ଦା ଥାନା ଅନ୍ତର୍ଗତ ଶଶୁର ଘର ବୋଉଳପାଳ ବସନ୍ତ ପରିଡ଼ାଙ୍କ ଘରକୁ ବୁଲିବା ପାଇଁ ଆସିଥିଲେ ।  ସେ  ବନ୍ଧଗାଁ ରେଙ୍ଗଲିକୁ ଗାଧୋଇବା ପାଇଁ ଯାଇଥିବା ବେଳେ ପାଣିରେ ବୁଡ଼ି ଯାଇଥିଲେ । ସୁକିନ୍ଦା ଦମକଳ ବାହିନୀର କର୍ମଚାରୀ ମାନଙ୍କ ସହାୟତାରେ ପଦ୍ମନାଭ ରାଉତଙ୍କୁ ସଂଜ୍ଞାହୀନ ଅବସ୍ଥାରେ ଉଦ୍ଧାର କରି ମଙ୍ଗଳାବର ସଂଧ୍ୟା 6 ଘଟିକା ସମୟରେ ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିବା ପରେ ଡାକ୍ତର ପଦ୍ମନାଭ ରାଉତଙ୍କୁ ମୃତ ଘୋଷଣା କରିଛନ୍ତି ।