ବଡ ଦୁର୍ଘଟଣାରୁ ବଞ୍ଚିଲେ ଅମରନାଥ ଯାତ୍ରୀ

ଅମରନାଥ ଯାତ୍ରା ସମୟରେ ଅଘଟଣ । ଏକ ବଡ ଦୁର୍ଘଟଣାରୁ ବତର୍ତ୍ତିଲେ ଯାତ୍ରୀ । ଜମ୍ମୁ କଶ୍ମୀରର ରାମବନ ଜିଲ୍ଲାରେ ଭାରତୀୟ ସେନା ଏବଂ ପୋଲିସ ଏକ ବହ ଦୁର୍ଘଟଣାକୁ ଟାଳି ଦେଇଛନ୍ତି । ଅମରନାଥ ଯାତ୍ରାରୁ ଫେରୁଥିବା ବସ ବ୍ରେକ ଫେଲ ହେବାରୁ ଯାତ୍ରୀମାନେ ଭୟରେ ବସରୁ ଡେଇଁ ପଡିଥିଲେ । ବସଟି ଖାଇରେ ଖସି ପଡିବା ପୂର୍ବରୁ ଭାରତୀୟ ସେନା ଜମ୍ମୁ କଶ୍ମୀର ପୋଲିସ ସହ ମିଶି ଗାଡି ତଳେ ପଥର ଥୋଇ ଗାଡିକୁ ରୋକିଥିଲେ । ଫଳରେ ଜାତୀୟ ରାଜପଥ ୪୪ ରେ ବଡ ଦୁର୍ଘଟଣାରୁ ବଞ୍ଚି ଯାଇଥିଲେ ଯାତ୍ରୀ । ଯାତ୍ରୀମାନେ ବସରୁ ଡେଇଁବାର ଭିଡିଓ ଏବେ ସୋସାଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଅନେକ ତୀର୍ଥଯାତ୍ରୀ ଚଳନ୍ତା ବସରୁ ଡେଉଁଥିବାର ଦେଖିବାକୁ ମିଳୁଛନ୍ତି । ତେବେ ସୁରକ୍ଷା ବଳ ଗାଡିକୁ ଖାଇରେ ଖସିବାରୁ ରୋକିବାକୁ ଚେଷ୍ଟା କରୁଥିବା ବେଳେ ତା ପଛରେ ଦୌଡୁଥିଲେ । ଏହି ସମୟରେ ବସରୁ ଅତି କମରେ ୧୦ରୁ ଉଦ୍ଧ୍ୱର୍ ତୀର୍ଥଯାତ୍ରୀ ଡେଇଁ ପଡିବା କାରଣରୁ ଆହତ ହୋଇଛନ୍ତି । ବସ ବ୍ରେକ ଫେଲ ହେବା ନେଇ ଡ୍ରାଇଭର କହିବା ପରେ ଯାତ୍ରୀମାନେ ଡେଇଁ ପଡିଥିଲେ । ତେବେ ବର୍ତ୍ତମାନ ପର୍ଯ୍ୟନ୍ତ ଘଟଣାରେ କେହି ମୃତାହତ ହେବାର ସୂଚନା ମିଳିନି ।