ଭୁବନେଶ୍ବର,(ଏନଏନଏସ ଓଡ଼ିଆ /୧୮.୦୨): ଆଜିକାଲି ଲୋକମାନେ ଖାଦ୍ୟ ଖାଇବା ପାଇଁ ଡାଇନିଂ ଟେବୁଲ୍ କିମ୍ବା ସୋଫା ବ୍ୟବହାର କରନ୍ତି । କିଛି ଲୋକ ଖଟ ଉପରେ ବସି ଖାଇବା ଆରମ୍ଭ କରନ୍ତି । କିନ୍ତୁ ଏହି ସମସ୍ତ ପଦ୍ଧତି ସ୍ୱାସ୍ଥ୍ୟ ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ । ଯୋଗ ବିଶେଷଜ୍ଞଙ୍କ କହିବା ଅନୁସାରେ, ବଜ୍ରାସନରେ ବସି ଖାଦ୍ୟ ଖାଇବା ଦ୍ୱାରା ଏହା ଖାଦ୍ୟକୁ ହଜମ କରିବାରେ ସାହାଯ୍ୟ କରିଥାଏ ।
ବଜ୍ରାସନ କରିବାର ସଠିକ୍ ଉପାୟ
– ଏହି ଯୋଗାସନ କରିବାକୁ, ପ୍ରଥମେ ଏକ ଖଟ ଉପରେ କିମ୍ବା କୌଣସି ମ୍ୟାଟ ବା ଆସନ ପକାଇ ବସନ୍ତୁ ।
– ଆଣ୍ଠୁକୁ ବଙ୍କା କର ଏବଂ ଏଡ଼ିକୁ ଉପରେ ବସନ୍ତୁ ।
– ପାଦକୁ ଯେପରି ଉପରକୁ ରହିବ ଏବଂ ପାଦର ଦୁଇ ବୁଢ଼ା ଆଙ୍ଗୁଠିକୁ ଏକତ୍ର ଯୋଡିବାକୁ ପଡ଼ିବ ।
– ଅଣ୍ଟା ଏବଂ ବେକକୁ ସିଧା ରଖନ୍ତୁ, ଦୀର୍ଘ ଏବଂ ଗଭୀର ନିଶ୍ୱାସ ନିଅନ୍ତୁ ।
ଖାଉଖାଉ ହିଁ ହଜମ ହୋଇଯିବ ଖାଦ୍ୟ
ବଜ୍ରାସନ କରିବା ଦ୍ୱାରା ହଜମ ଶକ୍ତି ଶକ୍ତିଶାଳୀ ହୋଇଯାଇଥାଏ । ଯେଉଁଥିପାଇଁ ଏହା କଠିନ ଜିନିଷ ମଧ୍ୟ ହଜମ କରିବାରେ ସକ୍ଷମ ଏବଂ ଗ୍ୟାସ୍-ଅମ୍ଳତା ଏବଂ କୋଷ୍ଠକାଠିନ୍ୟ ଭଳି ସମସ୍ୟା ଦୂର କରିବାରେ ସହାୟକ ହୋଇଥାଏ । ଏହି ଯୋଗ କରିବା ମଧ୍ୟ ବହୁତ ସହଜ ଅଟେ ।
ବଜ୍ରାସନ କରିବାର ଲାଭ
– ଆଣ୍ଠୁଗଣ୍ଠି ଯନ୍ତ୍ରଣାରୁ ମୁକ୍ତି
– ପିଠି ଯନ୍ତ୍ରଣାରୁ ମୁକ୍ତି
– ପେଟକୁ ରକ୍ତ ପ୍ରବାହ ବୃଦ୍ଧି କରେ
– ମେଦବହୁଳତା ହୁଏ ନାହିଁ
– ମାସିକ ଋତୁସ୍ରାବରେ ହେଉଥିବା ଅନିୟମୀତତାରୁ ମୁକ୍ତି
ଏହି ଲୋକମାନେ ବଜ୍ରାସନ କରିବା ଉଚିତ୍ ନୁହେଁ
– ଯେଉଁମାନଙ୍କର ଆଣ୍ଠୁରେ ଆଘାତ ବା ଅସ୍ତ୍ରୋପଚାର ହୋଇଛି
– ମେରୁଦଣ୍ଡ ଜନିତ ସମସ୍ୟାରେ ପୀଡିତ
– ହର୍ନିଆ ଏବଂ ଅନ୍ତନଳୀ ଅଲସର୍ ରୋଗୀ
