ବଜ୍ରାଘାତରେ ଜଣେ ମୃତ, ତିନି ଜଣ ଆହତ

ପାତ୍ରପୁର,୩୦/୦୪/୨୪: ସାରା ରାଜ୍ୟରେ ଗ୍ରୀଷ୍ମପ୍ରବାହ ଯୋଗୁଁ ଜିଲ୍ଲାଗୁଡିକରେ ତାତିକୁ ନେଇ ଆଲର୍ଟ ଜାରି କରାଯାଇଥିବାବେଳେ ଗତକାଲି ଅପରାହ୍ନ ସମୟରେ ପାତ୍ରପୁରଠାରେ ବର୍ଷା ସହ ଘଡଘଡି ହୋଇଥିଲା । ଯେଉଁଥିରେ ପାତ୍ରପୁର ଗ୍ରାମର ଜଣେ ଚାଷୀଙ୍କ ମୃତ୍ୟୁ ହେବା ସହ ତିନି ଜଣ ଆହତ ହୋଇଥିବା ଜଣାପଡିଛି । ମୃତକ ଜଣକ ହେଲେ ଉକ୍ତ ଗ୍ରାମର ସିମାଞ୍ଚଳ ସାହୁ (୫୦) । ସେହିଭଳି ଆହତ ମାନଙ୍କ ମଧ୍ୟରେ ପଦ୍ମା ବେହେରା (୩୨), ବୈଜୟନ୍ତୀ ବେହେରା (୨୪)ଙ୍କ ସହ ସିମାଞ୍ଚଳଙ୍କ ଏକମାତ୍ର ପୁଅ ଶିବଶଙ୍କର ସାହୁ (୧୮) ପ୍ରମୁଖ ଗୁରୁତର ଆହତ ହୋଇଛନ୍ତି । ସୂଚନା ଅନୁଯାୟୀ, ପାତ୍ରପୁର ଗୋପାଳ ପୋଖରୀ ସ୍ଥିତ କେନାଲ ନିକଟରେ ସିମାଞ୍ଚଳ ନିଜ ରାଶି ଜମିକୁ କିଛି ମହିଳା ଶ୍ରମିକଙ୍କ ସହ ପୁଅ କୁ ନେଇ ବିଲକୁ ଯାଇଥିବା ବେଳେ ବଜ୍ରପାତର ଶିକାର ହୋଇଥିଲେ । ବଜ୍ରାଘାତ ପରେ ଆଖ ପାଖରେ କାମ କରୁଥିବା ଚାଷୀ ଓ ଶ୍ରମିକ ମାନଙ୍କ ସହାୟତାରେ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିବା ଜଣାପଡିଛି। ତେବେ ଡ଼ାକ୍ତର ସିମାଞ୍ଚଳଙ୍କୁ ମୃତ ଘୋଷଣା କରିଥିବାବେଳେ ସେହିଭଳି ଅନ୍ୟ ମାନଙ୍କ ଚିକିତ୍ସା ଜାରି ରଖିଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଯାଇଥିବା ସୂଚନା ମିଳିଛି।