ପ୍ରଚାର ମଇଦାନରେ ଗଳିପଡିଲେ ଅରୂପ

ପିପିଲି: ରାଜ୍ୟରେ ବଢୁଛି ତାତି, ତା’ସାଙ୍ଗକୁ ବଢୁଛି ନିର୍ବାଚନୀ ତାତି । ଏବେ ପ୍ରଚାର ପ୍ରସାରରେ ଲାଗିପଡିଛନ୍ତି ସବୁ ରାଜନୈତିକ ଦଳର । ମୁଣ୍ଡ ଫଟା ଖରାରେ ଲୋକେ ଘରୁ ବାହାରିବାକୁ ଡରୁଥିବା ବେଳେ ଘର ଘର ବୁଲି ପ୍ରଚାର ରେ ମାତିଛନ୍ତି ପ୍ରାର୍ଥୀ । ଆଉ ଏହି ପ୍ରଚଣ୍ଡ ଖରାରେ ପ୍ରଚାର କଲାବେଳେ ଅଂଶୁଘାତର ଶିକାର ହୋଇଛନ୍ତି ପୁରୀ ଲୋକସଭା ଆସନର ପ୍ରାର୍ଥୀ ଅରୂପ ପଟ୍ଟନାୟକ । ନିଜ ସମର୍ଥକ ତଥା ପିପିଲି ବିଧାୟକ ରୁଦ୍ର ପ୍ରତାପ ମହାରଥୀଙ୍କ ସହ ଆଜି ନିବାର୍ଚନ ରାଲି ରେ ଯୋଗ ଦେଇଥିଲେ ଅରୂପ | ପ୍ରଚାର କରୁ କରୁ ହଠାତ ମୁଣ୍ଡ ବୁଲାଇବାରୁ ତଳେ ବସି ପଡିଲେ ଅରୂପ । ପାଖରେ ଥିବା ବିଧାୟକ ଓ କର୍ମୀ ମାନେ ସାଙ୍ଗେ ସାଙ୍ଗେ ପାଣି ଛିଞ୍ଚିଥିଲେ । ଏହାପରେ ତୁରନ୍ତ କାର ଯୋଗେ ତାଙ୍କୁ ନିକଟସ୍ଥ ପିପିଲି ହସ୍ପିଟାଲକୁ ନିଆଯାଇଥିଲା |ହସ୍ପିଟାଲରେ ଉପସ୍ଥିତ ଡାକ୍ତର ତାଙ୍କ ସ୍ୱାସ୍ଥ୍ୟ ପରୀକ୍ଷା କରିବା ପରେ ତାଙ୍କ ରକ୍ତଚାପ କମି ଯାଇଥିବା ଜଣାପଡ଼ିଥିଲା। ଏହାପରେ ତୁରନ୍ତ ତାଙ୍କୁ ଇଞ୍ଜେକସନ ଦିଆଯାଇଥିଲା। ଏଥିସହ ସାଲାଇନ୍ ନେବାକୁ ବି ଡାକ୍ତର ପରାମର୍ଶ ଦେଇଥିଲେ।ମାତ୍ର ସାମାନ୍ୟ ସୁସ୍ଥ ହେବା ପରେ ଅରୂପ ପଟ୍ଟନାୟକ ନିଜ ସମର୍ଥକଙ୍କ ସହ ସେଠାରୁ ଚାଲିଯାଇଥିଲେ ।