ପୋଲିସ – ମାଓବାଦୀ ଗୁଳିବିନିମୟରେ କ୍ୟାଡର ମାଓବାଦୀ ନିହତ

ଭୁବନେଶ୍ୱର: ବରଗଡ଼ ଜିଲ୍ଲା ପଦ୍ମପୁରରେ  ଭଞ୍ଜଗୁଣ୍ଡା ନିକଟ ଝାଞ୍ଜ ସଂରକ୍ଷିତ ଜଙ୍ଗଲରେ ମାଓବାଦୀ ଓ ସୁରକ୍ଷାବାହିନୀ ମଧ୍ୟରେ ଗୁଳି ବିନିମୟ ।  ଜଣେ ସିନିୟର କ୍ୟାଡର ମାଓବାଦୀ ନିହତ ହୋଇଥିବା ନେଇ ସୂଚନା ଦେଇଛନ୍ତି ପୋଲିସ ଡିଜି ଅଭୟ । ଏହାସହ ପୋଲିସ ଡିଜି କହିଛନ୍ତି ଯେ ମାଓବାଦୀ ଜଣଙ୍କ ଡ୍ରେସ କୋଡରେ ଥିଲା । ମୃତ ମାଓବାଦୀ ନିକଟରୁ ଗୋଟିଏ ଏକେ ୪୭ ଜବତ ହୋଇଛି । ତେବେ ଝାଞ୍ଜ ସଂରକ୍ଷିତ ଜଙ୍ଗଲରେ ଏବେ ବି ପୋଲିସର କୁମ୍ୱିଂ ଜାରି ରହିଛି । ମୃତ ମାଓବାଦୀଙ୍କର ପରିଚୟ ମିଳି ପାରିନାହିଁ ।  ଗଣମାଧ୍ୟମ ଜରିଆରେ ଡିଜିପି  ହିଂସା ଛାଡି ଗଣତନ୍ତ୍ର ମୁଖ୍ୟସ୍ରୋତରେ ଯୋଗ ଦେବାକୁ ମାଓବାଦୀମାନଙ୍କୁ ଅପିଲ୍ କରିଛନ୍ତି ।