ପୋଲିସ ପଞ୍ଝାରେ ଅନ୍ତଃଜିଲ୍ଲା ଚେନ ଲୁଟେରା

ପୁରୀ,(ଏନଏନଏସ ଓଡ଼ିଆ /୦୫ .୦୩): ପୋଲିସ ପଞ୍ଝାରେ ଅନ୍ତଃଜିଲ୍ଲା ଚେନ ସ୍ନାଚିଂ ରାକେଟ । ପୁରୀ ଅତିରିକ୍ତ ଏସପି ମିହିର ପଣ୍ଡାଙ୍କ ନେତୃତ୍ୱରେ ଷ୍ଟ୍ରିଟ୍ କ୍ରାଇମ୍ ଡିଟେକ୍ସନ ସେଲ୍ ,ବଳିଆପଣ୍ଡା ପୋଲିସ ଓ ସିଟି ଡ଼ିଏସପିର ମିଳିତ ସହଯୋଗରେ ଏହି ରାକେଟକୁ କାବୁ କରାଯାଇଛି । ୪ ଜଣିଆ ଗ୍ୟାଙ୍ଗକୁ ପୋଲିସ ଗିରଫ କରିବାରେ ସଫଳ ହୋଇଥିବାବେଳେ ସେମାନଙ୍କଠାରୁ ୭ଟି ଚୋରି ସୁନା ଚେନ୍ ସମେତ ୭ଟି ପିସ୍ତଲକୁ ଜବତ କରାଯାଇଛି । ଏଥିସହିତ ଦୁଇଟି ସୁନା ମୁଦି ଗୋଟିଏ ପଲସର ମଟର ସାଇକେଲ, ୭ ଟି ମୋବାଇଲ ଏବଂ ନଗଦ ୬୦୦୦ ଟଙ୍କା ମଧ୍ୟ ଜବତ କରାଯାଇଛି । ଦୀର୍ଘ ୨୯ ଦିନର ଧରପଗଡ଼ ପରେ ପୋଲିସକୁ ଏହି ସଫଳତା ମିଳିଥିବା ବେଳେ ଆଗାମୀ ଦିନରେ ରାଜରାସ୍ତାରେ ବଡ ଧରଣର କ୍ରାଇମ କରିବାକୁ ଯୋଜନା କରିଥିଲେ ସଂପୃକ୍ତ ଦୁର୍ବୃତ୍ତ । ଦୁର୍ବୃତ୍ତମାନଙ୍କ ମଧ୍ୟରୁ ୩ ଜଣ ଲୁଟେରା ହୋଇଥିବାବେଳେ ଅନ୍ୟଜଣେ ଚୋରି ଜିନିଷ କିଣିବା ଅଭିଯୋଗରେ ଗିରଫ ହୋଇଛନ୍ତି ।