ପୋଲିସ ଗୁଳିରେ ଗୋଚାଲାଣକାରୀ ଆହତ

କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା କୁଲାଢାଙ୍କୁଣି ଅଞ୍ଚଳରେ ଗୋଚାଲାଣ ହେଉଥିବା ଖବର ପାଇ ପୋଲିସ ଗାଡ଼ିକୁ ଅଟକାଇବାକୁ ଚେଷ୍ଟା କରିଥିଲେ । ହେଲେ ଗୋଚାଲାଣକାରୀ ପୋଲିସ ଉପରକୁ ଗୁଳି ଚଳାଇବା ପରେ ପୋଲିସ ବାଧ୍ୟ ହୋଇ ତାଙ୍କ ଉପରକୁ ଗୁଳି ଚଳାଇଥିଲା । ଯେଉଁଥିରେ ଜଣେ ଗୋଚାଳକାରୀଙ୍କ ଗୋଡରେ ଦୁଇଟି ଗୁଳି ବାଜି ଥିଲା । ଯେଉଁଥିରେ ସେ ଗୁରୁତର ହୋଇ ପଡ଼ି ଯାଇଥିଲା । ତାକୁ ପୋଲିସ ଆଣି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି । ଗୋଚାଲାଣକାରୀ ଜଣଙ୍କ ସାନ୍ତରାପୁର ଅଞ୍ଚଳର ବୋଲି ଜଣାପଡିଛି। ଏନେଇ କେନ୍ଦୁଝର ପୋଲିସ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରି ସବିଶେଷ ତଥ୍ୟ ଦେଇଛନ୍ତି କେନ୍ଦୁଝର ଅତିରିକ୍ତ ଆରକ୍ଷୀ ଅଧିକ୍ଷକ ଦିଲ୍ଲୀପ କୁମାର୍ ନାଏକ। ଏହି ଘଟଣା ଅଧିକ ତଦନ୍ତ ଜାରି ରହିଥିବା ବେଳେ ଚାରୋଟି ପିକପ ଜବତ ହୋଇଥିବା ବେଳେ ପାଞ୍ଚ ଜଣଙ୍କୁ ଅଟକ ରଖି ତଦନ୍ତ କରାଯାଉଥିବା ଏଏସପି କହିଛନ୍ତି। ଏହି ଘଟଣାରେ ହରିଚନ୍ଦନପୁର ଓ ପଣ୍ଡାପଡ଼ା ଥାନାରେ ପୁଥକ୍ ପୃଥକ୍ କେସ ରୁଜୁ ହୋଇଥିବା ବେଳେ ଅଧିକ ତଦନ୍ତ ଜାରି ରହିଥିବା ଅତିରିକ୍ତ ଆରକ୍ଷୀ ଅଧିକ୍ଷକ କହିଛନ୍ତି ।