ପୁରା ପରିବାରକୁ ନିଶ୍ଚିହ୍ନ କରିଦେଲା ପିଶାଚ ପୁଅ

ଜଗତସିଂହପୁରରେ ବୀଭତ୍ସ ହତ୍ୟା । ଏକାସଙ୍ଗେ ବାପା ମାଆ ସହ ଭଉଣୀକୁ ବୀଭତ୍ସ ହତ୍ୟା କଲା ପିଶାଚ ପୁଅ । ଏଭଳି ବୀଭତ୍ସ ଘଟଣା ଦେଖିବାକୁ ମିଳିଛି ଜଗତସିଂହପୁର ସଦର ଥାନା ଜୟବଡ ଗାଁରେ । ପରିବାରର ସମସ୍ତେ ନିଘୋଡ ନିଦରେ ଶୋଇଥିବା ବେଳେ ପିଶାଚ ପୁଅ ପୁରା ପରିବାରକୁ ନିଶ୍ଚିହ୍ନ କରିଦେଇଛି । ନିଜର ଜନ୍ମକଲା ବାପା ମାଆଙ୍କ ସହ ସାନ ଭଉଣୀକୁ ପଥର ଓ ଲୁହାରେ ଛେଚି ହତ୍ୟା କରିଛି ପୁଅ ସୂର୍ଯ୍ୟକାନ୍ତ ସେଠୀ । ତେବେ ମୃତକ ପରିବାର ହେଉଛନ୍ତି ପ୍ରଶାନ୍ତ ସେଠୀ, ପତ୍ନୀ କନକଲତା ସେଠୀ ଓ ଝିଅ ମାମାଲି ସେଠୀ । ତେବେ ଅଭିଯୁକ୍ତ ସୂର୍ଯ୍ୟକାନ୍ତକୁ ପୋଲିସ ଗିରଫ କରିଥିବା ବେଳେ ସେ ମାନସିକ ବିକାରଗ୍ରସ୍ତ ବୋଲି ପୋଲିସ କରିଛି । ତେବେ ସୂର୍ଯ୍ୟକାନ୍ତ କେଉଁ ପରିସ୍ଥିତିରେ ଏଭଳି ଚରମ ନିଷ୍ପତି ନେଲା ତାର ତଦନ୍ତ କରୁଛି ପୋଲିସ ।