<h3>ଭୁବନେଶ୍ୱର,୨୭/୦୪/୨୪: ପାରିବାରିକ କାହାଣୀକୁ ନେଇ ଆସୁଛି ନୂଆ ଚଳଚ୍ଚିତ୍ର 'ବିହା ଲଗନ' । ଏ ନେଇ ପ୍ରଯୋଜନା ସଂସ୍ଥା ପକ୍ଷରୁ ଚଳଚ୍ଚିତ୍ରର ଶୁଭ ମୁହୂର୍ତ୍ତ ସମ୍ପର୍କରେ ସାମ୍ବାଦିକ ସମ୍ମିଳନୀ କରି ସୂଚନା ଦିଆଯାଇଛି । ବିଶେଷ କରି ପୂର୍ବ ଓଡିଶା ଏବଂ ପଶ୍ଚିମ ଓଡିଶାର ଦୁଇଟି ପରିବାରକୁ ନେଇ ଚଳଚ୍ଚିତ୍ରର କାହାଣୀ ରହିଛି । ଏଥିରେ ନାୟକ ଭୂମିକାରେ ରାକେଶ ଅଭିନୟ କରୁଥିବା ବେଳେ ନାୟିକା ଭୂମିକାରେ ରହିଛନ୍ତି ତୃପ୍ତି । ଅନ୍ୟାନ୍ୟ କଳାକାରଙ୍କ ମଧ୍ୟରେ ରତନ ମେହେର, ପ୍ରଦ୍ୟୁମ୍ନ ଲେଙ୍କା ପ୍ରମୁଖ ଅଭିନୟ କରିଛନ୍ତି । ଚଳଚ୍ଚିତ୍ରଟି ଉଭୟ ଓଡ଼ିଆ ଏବଂ ସମ୍ବଲପୁରୀ ଭାଷାରେ ରିଲିଜ ହେବାକୁ ଥିବା ବେଳେ ନିଆରା କାହାଣୀ ହୋଇଥିବାରୁ ଓଡ଼ିଆ ଦର୍ଶକଙ୍କୁ ପସନ୍ଦ ଆସିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି ।</h3>
