ନୋଟିସ ପ୍ରତ୍ୟାହାର ନିମନ୍ତେ ଦାବି କଲେ ଦଇତାପତି

ବାହୁଡା ଯାତ୍ରା ଦିନ ମା ସୁଭଦ୍ରାଙ୍କ ରଥ ଉପରକୁ ଅନଧିକୃତ ବ୍ୟକ୍ତିଙ୍କୁ ଚଢାଇବା ସମ୍ପର୍କରେ ଜଣେ ଦଇତାପତି ସେବକଙ୍କୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୋମବାର କାରଣ ଦର୍ଶାଅ ନୋଟିସ ଜାରି କରାଯାଇଥିବା ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଥିଲା । ଆଗାମୀ ୭ ଦିନ ଭିତରେ ଉତ୍ତର ଦେବାକୁ ନିଦେର୍ଶ ଦର୍ଶାଯାଇଛି ଏଥି ସହ ଚୂଡାନ୍ତ ନିଷ୍ପତ୍ତି ନ ହେବା ଯାଏ ସମ୍ପୃକ୍ତ ସେବକଙ୍କ ପ୍ରାପ୍ୟ ପାଉଣା ସ୍ଥଗିତ ରଖିବାକୁ ମଧ୍୍ୟ ଦଇତା ନିଯୋଗ ସମ୍ପାଦକଙ୍କୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଜଣାଇଦିଆଯାଇଥିବା ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଥିଲା । ତେବେ ଏନେଇ ଦଇତାପତି ନିଯୋଗ ସଂପାଦକ ଓ ବରିଷ୍ଠ ଦଇତାପତି ସେବକ ପ୍ରଶାସନର ଏପରୀ କାର୍ୟ୍ୟକୁ ନାପସନ୍ଦ କରିବା ସହ ଶ୍ରୀମନ୍ଦିର ପ୍ରଶାସନ ନୋଟିସ୍ ଫେରସ୍ତ ନେଇ ଘଟଣା ସଂପର୍କରେ ନିଯୋଗର ସଭାପତି ଓ ସଂପାଦକଙ୍କ ସହ ଆଲୋଚନା କରାଯାଉ ବୋଲି ମତବ୍ୟକ୍ତ କରି କହିଛନ୍ତି । ନୋଟିସ ସମ୍ପର୍କରେ ସୂଚନା ପ୍ରଦାନ କରି ଦଇତାପତି ନିଯୋଗର ସଂପାଦକ ରାମକୃଷ୍ଣ ଦାସ ମହାପାତ୍ର କହିଛନ୍ତି କି ଚଳିତ ବର୍ଷ ମହାପ୍ରଭୁଙ୍କ ଘୋଷଯାତ୍ରାର ସମସ୍ତ ନୀତିକ୍ରାନ୍ତି ଶୃଙ୍ଖଳିତ ତଥା ସମସ୍ତଙ୍କ ସହଯୋରେ ସୁରୁଖୁରୁରେ ସମ୍ପନ୍ନ ହୋଇଛି । ମୁଖ୍ୟମନ୍ତ୍ରୀ ଓ ଆଇନମନ୍ତ୍ରୀ ନିଯୋଗ ସହ ଆଲୋଚନା କରି ସମସ୍ତ କାର୍ୟ୍ୟ କରାଯାଇଛି । ।ତେବେ କିଛି ଖବରକାଗରେ ପ୍ରକାଶ ପାଇଛି ପ୍ରଶାସନ ପକ୍ଷରୁ ନିଯୋଗକୁ କିଛି କାରଣ ଦର୍ଶାଅ ନୋଟିସ୍ ପ୍ରଦାନ କରାଯାଇଛି ତେବେ ଏପରି କିଛି ନୋଟିସ୍ ବର୍ତ୍ତମାନ ପର୍ୟ୍ୟନ୍ତ ତାଙ୍କର ହସ୍ତଗତ ହୋଇନାହିଁ । ଅପରପକ୍ଷରେ ରଥଯାତ୍ରା ପୂର୍ବରୁ ନିଯୋଗ ସହ ଶ୍ରୀମନ୍ଦିର ପ୍ରଶାସନ , ଜିଲାପାଳ ଙ୍କ ସହ ଆଲୋଚନା କରାଯାଇଥିଲା ସହାୟକ ମାନେ ରଥ ଉପରକୁ ଯିବେ ।ରଥରେ ବାକ୍ସ ମାନ ରଖିବେ ।ଠାକୁର ରଥରେ ବିଜେ ହେବା ପରେ ରଥ ଶୋଧ ବେଳେ ରଥ ତଳକୁ ଓହ୍ଲାଇ ଆସିବେ ବୋଲି ନିଷ୍ପତ୍ତି ହୋଇଥିଲା । ତେବେ ବାହୁଡା ଦିନ ଠାକୁର ରଥ ଉପରକୁ ଆସିନଥିଲେ କି ଶୋଧ ହୋଇନଥିଲା । ଉକ୍ତ ସମୟରେ ଉକ୍ତ ସହାୟକ ଜଣଙ୍କ ରଥ ଉପରେ ଥିଲେ । ଶ୍ରୀମନ୍ଦିର ମୁଖ୍ୟ ପ୍ରଶାସନ ତାଙ୍କୁ ତଳକୁ ଆସିବାକୁ କହିବା ମାତ୍ରେ ସେ ତଳକୁ ଚାଲି ଆସିଥିଲେ । ତେବେ ଏପରୀ ଛୋଟ ଘଟଣାକୁ ଅତିରଂଜିତ କରି ନୋଟିସ୍ କରିବା ଓ ପ୍ରାପ୍ର ପାହୁଣା ରୋକ କରବାକୁ ଚିଠି କରିବା ଗ୍ରହଣ ଯୋଗ୍ୟ ନୁହେଁ । ତେବେ ଯାହାହୋଇଛି ନିଯୋଗ ପକ୍ଷରୁ ପ୍ରତ୍ୟାହାର ନିମନ୍ତେ ପ୍ରଶାସନକୁ ଜଣାଯାଉଛି । ଆଗକୁ ଆଲୋଚନା କରାଯିବ । । ।ତେବେ ଯେଉଁ ବ୍ୟକ୍ତିଙ୍କୁ ପ୍ରଶାସକ ରଥ ଉପରୁ କାଢିଲେ ସେ ସହାୟକ ପାସ୍ ନେଇ ରଥ ଉପରକୁ ଯାଇଥିଲେ । ସେ ଜଣେ ମହାପ୍ରଭୁଙ୍କ ଭକ୍ତ ଅଟନ୍ତି । ଯେଉଁ ସମୟରେ ମହାପ୍ରଭୁଙ୍କ ନୀତି ନିମନ୍ତେ କସ୍ତୁରୀ ମିଳୁନାହି ସେ ସମୟରେ ଉକ୍ତ ସହାୟକ ଜଣଙ୍କ ଟଙ୍କା ଖଚ୍ଚ କରି ମହାପ୍ରଭୁଙ୍କ ଉଦେଶ୍ୟରେ କସ୍ତୁରୀ ଆଣି ପ୍ରଦାନ କରିଥିଲେ । ତେବେ ମୁଖ୍ୟପ୍ରଶାସନ ତାଙ୍କୁ ଯେଉଁଭଳି ଭାବରେ ରଥ ଉପରୁ କାଢିଲେ ତାହା ଅତ୍ୟନ୍ତ ନିନ୍ଦନୀୟ କାର୍ୟ୍ୟ ଅଟେ । ମାତ୍ର ମୁଖ୍ୟପ୍ରଶାସକ ତାଙ୍କର କାର୍ୟ୍ୟ କରିଥିଲେ ତେଣୁ ନିଯୋଗ ପକ୍ଷରୁ କୈାଣସି ବିରୋଧ କରାଯାଇନଥିଲା ।