ନାମାଙ୍କନ ଭରିଲେ ସତ୍ୟସାରଥୀ ମହାନ୍ତି

ଆସନ୍ତା ନିର୍ବାଚନ ପାଇଁ ଚାଲିଥିବା ନାମାଙ୍କନ ପତ୍ର ଦାଖଲ ପ୍ରକ୍ରିୟାର ଚତୁର୍ଥ ଦିନରେ ବାଲିକୁଦା -ଏରସମା ବିଧାନସଭା ନିର୍ବାଚନମଣ୍ଡଳୀ ନିମନ୍ତେ ଭାରତୀୟ ଜନତା ପାର୍ଟିର ପ୍ରାର୍ଥୀ ସତ୍ୟ ସାରଥୀ ମହାନ୍ତି ଅତିରିକ୍ତ ଜିଲ୍ଲାପାଳ ତଥା ରିଟର୍ଣ୍ଣିଂ ଅଧିକାରୀ ଅଭିମନ୍ୟୁ ବେହେରାଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଛନ୍ତି। ଆଜି ନାମାଙ୍କନ ପତ୍ର ଦାଖଲ ନିମନ୍ତେ ବାଲିକୁଦା ଏରସମା ନିର୍ବାଚନ ମଣ୍ଡଳୀ ପାଇଁ ଭାରତୀୟ ଜନତା ପାର୍ଟି ପକ୍ଷରୁ ବିଧାୟକ ପ୍ରାର୍ଥୀ ସତ୍ୟ ସାରଥି ମହାନ୍ତିଙ୍କ ନିର୍ଦ୍ଦେଶକ୍ରମେ ପ୍ରଥମେ ବାଲିକୁଦା ତହସିଲ ଛକ ନିକଟସ୍ଥ ବିଜେପି କାର୍ୟ୍ୟାଳୟ ନିକଟରୁ ପାଖାପାଖି ୧୫,୦୦୦ ସମର୍ଥକ ମାନଙ୍କୁ ନେଇ ଏକ ବିଶାଳ ବାଇକ୍ ଶୋଭାଯାତ୍ରା ଆରମ୍ଭ ହୋଇ ପହଞ୍ଚିଥିଲା ବିଜୁ ପଟ୍ଟନାୟକ ଛକ ନିକଟରେ। ହଜାର ହଜାର ସମର୍ଥକଙ୍କ ଗହଳି ମଧ୍ୟରେ ଜଗତସିଂହପୁର ସହର ଫାଟି ପଡୁଥିଲା। ଏହାପରେ ଜିଲ୍ଲାର ଅତିରିକ୍ତ ଜିଲ୍ଲାପାଳ ତଥା ରିଟର୍ଣିଙ୍ଗ୍ ଅଧିକାରୀ ଅଭିମନ୍ୟୁ ବେହେରାଙ୍କ ନିକଟରେ ନିଜର ନାମାଙ୍କନ ପତ୍ର ଦାଖଲ କରିଛନ୍ତିସତ୍ୟ ସାରଥୀ।