ସୁନ୍ଦରଗଡ ଜିଲ୍ଲା ବଡଗାଁ ଥାନା ଅଞ୍ଚଳରେ ହୃଦୟ ବିଦାୟକ ଘଟଣା ଘଟିଛି। ଜଙ୍ଗଲରୁ ଶାଗୁଆନ ଗଛରୁ ଝିଅର ଝୁଲନ୍ତା ମୃତଦେହ ଉଦ୍ଧାର । ନାବାଳିକାଙ୍କୁ ତାଙ୍କ ପ୍ରେମିକଙ୍କ ସମେତ ୩ ଜଣ ଗଣବଳାତ୍କାର ପରେ ହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି ।
ସେମାନେ ସମସ୍ତେ ନାବାଳିକାଙ୍କ ଗଣବଳାତ୍କାର କରିଥିଲେ। ଏହାପରେ କଥା ବାହାରେ ପ୍ରଘଟ ହୋଇଯିବା ଭୟରେ ନାବାଳିକାଙ୍କ ଓଢଣୀରେ ତାଙ୍କ ତଣ୍ଟି ଚିପି ହତ୍ୟା କରିଥିଲେ। ଏହାପରେ ଏକ ଶାଗୁଆନ ଗଛରେ ତାଙ୍କୁ ଝୁଲାଇ ଦେଇଥିଲେ।ନାବାଳିକାଜଣକ ଶାଗ ତୋଳିବାକୁ ଘରୁ ବାହାରିଥିଲେ। ଉକ୍ତ ସମୟରେ ଯୁବକଜଣକ ତାଙ୍କୁ ଫୁସଲାଇ କୁସ୍ତନା ଜଙ୍ଗଲକୁ ନେଇ ଯାଇଥିଲେ। ସେଠାରେ ପୂର୍ବରୁ ତାଙ୍କର ଦୁଇ ସାଙ୍ଗ ଉପସ୍ଥିତ ଥିଲେ।
ନାବାଳିକାଙ୍କ ପରିବାର ଓ ପୁଲିସ୍ ସମ୍ପୃକ୍ତ ଯୁବକଙ୍କୁ ପଚରାଉଚରା କରିଥିଲେ। ଏହାପରେ ସେ ସବୁ ସତ କଥା ମାନି ଯାଇଥିଲେ। ଏହାପରେ ପୁଲିସ୍ କୁସ୍ତନା ଜଙ୍ଗଲକୁ ଯାଇ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି।
ନାବାଳିକାଙ୍କୁ ଗଣଦୁଷ୍କର୍ମ ପରେ ହତ୍ୟା କରାଯାଇଥିବା ପୁଲିସ୍ର ପ୍ରାଥମିକ ତଦନ୍ତରୁ ଜଣାପଡ଼ିଛି। ପୁଲିସ୍ ସମ୍ପୃକ୍ତ ଯୁବକଙ୍କୁ ବାନ୍ଧିଥିବା ବେଳେ ତାଙ୍କ ଦୁଇ ସହଯୋଗୀ ଫେରାର ଥିବା ଜଣାଯାଇଛି। ସେମାନଙ୍କୁ ଧରିବାକୁ ପୁଲିସ୍ ବିଭିନ୍ନ ସ୍ଥାନରେ ଚଢ଼ାଉ କରୁଛି।
