ନବରଙ୍ଗପୁରରେ 65ତମ ପୋଲିସ ଶହୀଦ ସ୍ମୃତି ଦିବସ

ନବରଙ୍ଗପୁର ଜିଲ୍ଲାରେ 65ତମ ପୋଲିସ ଶହୀଦ ସ୍ମୃତି ଦିବସ ପାଳିତ ହୋଇଛି । ଜିଲ୍ଲା ପୋଲିସ ପକ୍ଷରୁ  ରିଜର୍ଭ ପୋଲିସ ପଡିଆ ଠାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏଥିରେ ନବରଙ୍ଗପୁର ଆରକ୍ଷୀ ଅଧୀକ୍ଷକ ମିହିର କୁମାର ପଣ୍ଡା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ନବରଙ୍ଗପୁର ପୋଲିସ ବାହିନୀ ପକ୍ଷରୁ ଅନୁଷ୍ଠିତ ପ୍ୟାରେଡରେ ଆରକ୍ଷୀ ଅଧୀକ୍ଷକ ମିହିର କୁମାର ପଣ୍ଡା ଅଭିବାଦନ ଗ୍ରହଣ କରିଥିଲେ । ଏହା ସହ ଚଳିତବର୍ଷ ରାଜ୍ୟର 2ଜଣ ଶହୀଦଙ୍କ ସମେତ ସାରା ଦେଶର 214 ଜଣ ଶହୀଦଙ୍କ ବୀରତ୍ବକୁ ସ୍ମରଣ କରାଯାଇଥିଲା ।  ଏହି ଆୟାଜିତ କାର୍ଯ୍ୟକ୍ରମ ଯୋଗ ଦେଇଥିଲେ ଆରକ୍ଷୀ ଅଧୀକ୍ଷକ ମିହିର କୁମାର ପଣ୍ଡା.ଅତିରିକ୍ତ ଜିଲ୍ଲାପାଳ ମହେଶ୍ୱର ନାୟକ.ସମେତ ଜିଲ୍ଲାର ବହୁ ବରିଷ୍ଠ ପୋଲିସ ଅଧିକାରୀ ମାନେ ଉପସ୍ଥିତ ରହି ଶହୀଦ ପ୍ରତିମୂର୍ତ୍ତି ନିକଟରେ ଶ୍ରଦ୍ଧାଞ୍ଜଳୀ ପ୍ରଦାନ କରିଥିଲେ ।