ପ୍ରଥମ ଥର ପାଇଁ ନବରଙ୍ଗପୁର ଜିଲ୍ଲାର ସ୍ୱାସ୍ଥ୍ୟ ଦୁରାବସ୍ଥା ପାଇଁ ସାମ୍ବାଦିକ ସମ୍ମିଳନୀ । ଜିଲ୍ଲାର ସର୍ବ ଦଳୀୟ ସଙ୍ଗଠନ କରିଛି ସାମ୍ବାଦିକ ସମ୍ମିଳନୀ । ପୂର୍ବତନ ସାଂସଦ ପ୍ରଦୀପ ମାଝୀଙ୍କ ଆବାହକରେ ଆଜିର ସାମ୍ବାଦିକ ସମ୍ମିଳନୀ ଆୟୋଜନ କରାଯାଇଛି ।ନବରଙ୍ଗପୁର ଜିଲ୍ଲାରେ ଭୁଷୁଡି ପଡିଛି ସ୍ୱାସ୍ଥ୍ୟ ସେବା । ଜିଲ୍ଲାର ମୁଖ୍ୟ ଚିକିତ୍ସାଳୟ ସହ ଅନ୍ୟ ଚିକିତ୍ସାଳୟରେ ବିଭିନ୍ନ ପଦ ଖାଲି ପଡ଼ିଛି ।ଜିଲ୍ଲା ମେଡିକାଲରେ ଥିବା କର୍ମଚାରୀମାନେ ରୋଗୀଙ୍କୁ ଅଣଦେଖା କରୁଛନ୍ତି । ଆଜିର ବୈଠକରେ ଏହାକୁ ସମାଧାନ କରିବାକୁ ସମସ୍ତେ ମତ ପ୍ରକାଶ କରିଛନ୍ତି । ସ୍ୱାସ୍ଥ୍ୟ ଅବସ୍ତାରେ ସୁଧାର ଆଣିବା ସହ ଖାଲିଥିବା ପଦବୀ ପୂରଣ କରିବାକୁ ଦାବି ହୋଇଛି ବୈଠକରେ ।
ଏହାସହ ଆସନ୍ତା ୨୦ ତାରିଖରେ ନବରଙ୍ଗପୁର ଜିଲ୍ଲା ବନ୍ଦ ହେବ ବୋଲି ଆବାହକ ପୂର୍ବତନ ସାଂସଦ ପ୍ରଦୀପ ମାଝୀ କହିଛନ୍ତି ।ଆଜିର ସାମ୍ବାଦିକ ସମ୍ମିଳନୀରେ ରାଜ୍ୟସଭା ସାଂସଦ ମୁନା ଖାଁ , କଂଗ୍ରେସ ନେତା ମୁନା ତ୍ରିପାଠୀ , ଶଦାଶିଵ ପ୍ରଧାନୀ ,ମଞ୍ଜୁଳା ମାଝୀ ଓ ବିଭିନ୍ନ ଦଳର ନେତୃବୃନ୍ଦ ,ଓ ସବୁ ସଙ୍ଗଠନ ଉପସ୍ଥିତ ଥିଲେ ।
