ବ୍ୟୁରୋ: ତିନି ଜଣ ଯୁବକ ସ୍କୁଟିରେ ରାସ୍ତାରେ ଯିବ ହେଲା କାଳ । ବାଟରେ ଯାଉ ଯାଉ ଉପରେ ପଡିଲା ନଡିଆ ଗଛ ..,. ଗଛ ପଡିବାରୁ ୨ ଜଣଙ୍କ ଜୀବନ ଯାଇଥିବା ବେଳେ ଜଣେ ଏଥିରେ ଆହତ ହୋଇଛନ୍ତି । ତେବେ ଏଭଳି ଘଟଣା ଘଟିଛି ପୁରୀ ଜିଲ୍ଲା ନିମାପଡା ଥାନା ଅନ୍ତଃର୍ଗତ ଚିତ୍ରା ଗାଁ ରେ । ମୃତକ ଦୁଇ ଜଣ ହେଉଛନ୍ତି ତୁଷାର ରଞ୍ଜନ ବିଶ୍ୱାଳ ଓ ମିଟୁ ପ୍ରଧାନ । ଆହତ ଯୁବକ ବିଶ୍ୱରଞ୍ଜନ ଙ୍କ ଅବସ୍ଥା ଗୁରୁତର ହେବାରୁ ଭୁବନେଶ୍ୱରସ୍ଥିତ କ୍ୟାପିଟାଲ ହସ୍ପିଟାଲ ରେ ଭର୍ତ୍ତି କରାଯାଇଛି । ଆଜି ସକାଳ ପ୍ରାୟ ୯ଟା ବେଳେ ଏହି ଘଟଣା ଘଟିଛି। ତୁଷାର, ମିଟୁ ଓ ବିଶ୍ୱରଞ୍ଜନ ଗୋଟିଏ ସ୍କୁଟିରେ ଅଙ୍କୁସପୁରରୁ ସେମାନଙ୍କ ଗାଁ ରଟିଲ ଯାଉଥିଲେ।ଚିତ୍ରା ଗାଁ କେନାଲ ବନ୍ଧ ରାସ୍ତାରେ ସେମାନେ ଯାଉଥିବା ବେଳେ ହଠାତ୍ ଏକ ନଡ଼ିଆ ଗଛ ସେମାନଙ୍କ ଉପରେ ପଡ଼ିଯାଇଥିଲା। ଦୁଇ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା।
ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି।
