<h3>ସୁନ୍ଦରଗଡ: ସୁନ୍ଦରଗଡ ପୋଲିସକୁ ବଡ ସଫଳତା । ଲକ୍ଷାଧିକ ଟଙ୍କାର ଧଳା ଜହର ଜବତ କରିଛି ସୁନ୍ଦରଗଡ ଟାଉନ ପୋଲିସ । ଏକ ବ୍ରାଉନ ସୁଗାର ରାକେଟର ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୦.୬୯୦ଗ୍ରାମ ଓଜନର ବ୍ରାଉନ ସୁଗାର , ନଗଦ ୧୦,୫୦୦ ଟଙ୍କା, ସୁନା ଓ ମୋବାଇଲ ଫୋନ ଜବତ କରିଛି । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ ବୋଲି ସଦର ଏସଡ଼ିପିଓ ସୂଚନା ଦେଇଛନ୍ତି । ଏକ ନିର୍ଦିଷ୍ଟ ସୂତ୍ରରୁ ସୂଚନାମିଳିବା ପରେପୋଲିସ ଏକ ସ୍ଵତନ୍ତ୍ର ଟିମ ଗଠନ କରି ଅଭିଯୁକ୍ତ ମାନଙ୍କୁ ଆଦର୍ଶ ନଗର ଛକରୁ ଗିରଫ କରିଥିଲା । ଗିରଫ ଅଭିଯୁକ୍ତ ହେଲେ ହରିଷ ଧରେଇ ଓ ଈଶା ଧରେଇ ।ଅଭିଯୁକ୍ତ ମାନଙ୍କ ଘର ଟାଉନ ଥାନା ଅନ୍ତର୍ଗତ ରାଣୀ ବଗିଚା ବୋଲି ପୋଲିସ କହିଛି ।</h3>
