ଦେଶରେ କରୋନାର ଜଟିଳ ସ୍ଥିତି; ଦିନକରେ 2 ଲକ୍ଷ 73 ହଜାର 810 ସଂକ୍ରମିତ,1619 ମୃତ

ଦେଶରେ ପୁଣି ଗମ୍ଭୀର ହେଉଛି କରୋନାସ୍ଥିତି । ଦେଶରେ ଦୈନିକ କରୋନା ସଂକ୍ରମଣର ନୂଆ ରେକର୍ଡ । ଗତ 24 ଘଣ୍ଟାରେ ଦେଶରେ 2 ଲକ୍ଷ 73 ହଜାର 810 ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ମୃତ୍ୟୁ ସଂଖ୍ୟା ମଧ୍ୟ ବଢିଚାଲିଛି । 24 ଘଣ୍ଟାରେ କରୋନା ଭାଇରସରେ 1619 ଜଣଙ୍କ ମୃତ୍ୟୁ ଘଟିଛି । ଦେଶରେ ଦ୍ରୁତ ଗତିରେ ବୃଦ୍ଧି ପାଉଛି କରୋନା ଆକ୍ରାନ୍ତଙ୍କ ସଂଖ୍ୟା । ଆଜି 2ଲକ୍ଷ 73 ହଜାର 810 ଆକ୍ରାନ୍ତ ଚିହ୍ନଟ ସହ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 1 କୋଟି 50 ଲକ୍ଷ 61 ହଜାର 919 କୁ ବୃଦ୍ଧି ପାଇଛି । କରୋନାଜନିତ ମୋଟ ମୃତ୍ୟୁ ସଂଖ୍ୟା 1 ଲକ୍ଷ 78 ହଜାର 769 ଛୁଇଁଛି । ସେହିପରି ଗତ 24 ଘଣ୍ଟାରେ 1 ଲକ୍ଷ 44 ହଜାର 178 ଜଣ କରୋନାକୁ ପରାସ୍ତ କରି ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ବର୍ତ୍ତମାନ 19 ଲକ୍ଷ 29 ହଜାର 329 ଜଣ ଚିକିତ୍ସାଧୀନ ଅଛନ୍ତି ।  ତେବେ ମହାରାଷ୍ଟ୍ରରେ ସ୍ଥିତି ଅଧିକ ସଙ୍ଗୀନ ହେବାରେ ଲାଗିଛି  । ଦେଶରେ ଏଯାବତ 12 କୋଟି 38 ଲକ୍ଷ 52 ହଜାର 566 ଜଣ କୋଭିଡ ଭ୍ୟାକ୍ସିନ ନେଇଛନ୍ତି ।