ଜଙ୍ଗଲ ଭିତରେ ନକ୍ସଲଙ୍କ ବଙ୍କର। ଗାଜାରେ ହମାସ ଆତଙ୍କୀଙ୍କ ସୁଡ଼ଙ୍ଗ ଭଳି ମାଟି ତଳେ ସୁଡ଼ଙ୍ଗ ଓ ବଙ୍କର କରିଛନ୍ତି । ଦନ୍ତେୱାଡ଼ାରେ ନକ୍ସଲ ଅପରେସନ ବେଳେ ଏଭଳି ବଙ୍କର ଠାବ କରିଛି ପୁଲିସ। ବଙ୍କର ଉପରକୁ କାଠ ଓ ମାଟିରେ ଘୋଡ଼ାଇ ରଖିଥିଲେ ନକ୍ସଲ। ଯେମିତି କେହି ଜାଣିପାରିବେ ନାହିଁ। ତେବେ ପୁଲିସ ସର୍ଚ୍ଚ ଅପରେସନ ବେଳେ ବଙ୍କର ଓ ସୁଡ଼ଙ୍ଗ ଠାବ କରିଛି। ଏହି ସୁଡ଼ଙ୍ଗରୁ ନକ୍ସଲ ପୁଲିସ ଉପରେ ଆକ୍ରମଣ କରିଥିବା ସୂଚନା ମିଳିଛି ।
ଏହି ଜଙ୍ଗଲରେ ଥାନା ନକ୍ସଲମାନେ ପୁଲିସକର୍ମଚାରୀ ଓ ଯବାନଙ୍କ ଉପରକୁ ଆକ୍ରମଣ କରିଥାଆନ୍ତି। ସମ୍ପ୍ରତି ପୁଲିସ ଦନ୍ତେୱାଡ଼ାରେ ନକ୍ସଲ ଅପରେସନ ବେଳେ ଏକ ବଙ୍କର ଠାବ କରିଛି । ଏହି ବଙ୍କରକୁ ପୁଲିସ ପଥମ ଥର ଦେଖିବାକୁ ପାଇଛି। ଏହି ସୁଡ଼ଙ୍ଗ ଦନ୍ତେୱାଡ଼ା –ବୀଜାପୁର ସୀମା ମାଧ୍ୟରେ ତିଆରି କରାଯାଇଛି। ଉକ୍ତ ସୁଡ଼ଙ୍ଗ ଖୁବ ଗଭୀର ରହିଛି। ଏହାମାଧ୍ୟମରେ ନକ୍ସଲମାନେ ପୁଲିସ ଉପରେ ଆକ୍ରମଣ କରିଥିବା ଯୋଜନା ରଖିଥିବା ସୂଚନା ମିଳିଛି। ଉକ୍ତ ସୁଡ଼ଙ୍ଗକୁ ନକ୍ସଲମାନେ କିଛି କାଠ ଓ ମାଟିରେ ଘୋଡ଼ାଇ ରଖିଥିଲେ ।
