ଥମିବାରେ ନାଁ ଧରୁନି ଦକ୍ଷିଣ କୋରିଆର ଭୟଙ୍କର ବନାଗ୍ନି

ଦକ୍ଷିଣ କୋରିଆରେ ଭୟଙ୍କର ବନାଗ୍ନି ଥମିବାରେ ନାଁ ଧରୁନି । ପବନ ବୋହୁଥିବାରୁ ନିଆଁ ବ୍ୟାପିଥିବା ବେଳେ ଏହାକୁ ନିୟନ୍ତ୍ରଣ କରିବା ସମ୍ଭବ ହେଉନଥିବାରୁ ବ୍ୟାପକ କ୍ଷୟକ୍ଷତି ଘଟିଛି । ଦେଶର ଦକ୍ଷିଣାଞ୍ଚଳରେ ଧ୍ୱଂସଲୀଳା ସୃଷ୍ଟି କରିଥିବା ବେଳେ ୨୬ ଜଣଙ୍କ ମୃତ୍ୟୁ ଘଟିଛି ଏବଂ ୩୦୦ରୁ ଅଧିକ ନିର୍ମାଣ ନଷ୍ଟ ହେବା ସହ ୨୪,୦୦୦ ଲୋକଙ୍କୁ ସ୍ଥାନାନ୍ତରିତ ହେବାକୁ ପଡ଼ିଛି । ମୃତକଙ୍କ ମଧ୍ୟରେ ଜଣେ ପାଇଲଟ ରହିଛନ୍ତି । ନିଆଁକୁ ଆୟତ୍ତ କରିବାକୁ ଯାଇଥିବା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ଦକ୍ଷିଣ କୋରିଆର ଆନ୍‌ଡୋଙ୍ଗରେ ଥିବା ଜଙ୍ଗଲରେ ଭୀଷଣ ନିଆଁ ଲାଗିଛି । ଏହି ନିଆଁ ପ୍ରାୟ ୩୭,୦୬୫ ଏକରକୁ ମାଡ଼ିଛି । ନିଆଁ ଜନବସତି  ଆଡ଼କୁ ମାଡ଼ି ଆସିଥିବାବେଳେ ଅନେକ ଘର ଜଳିଯାଇଛି ।  ୧୯ ଜଣ ଆହତ ହୋଇଛନ୍ତି । 24 ହଜାରରୁ ଊଦ୍ଧ୍ୱର୍ ଲୋକଙ୍କୁ  ଉଦ୍ଧାର କରାଯାଇ ସୁରକ୍ଷିତ ସ୍ଥାନକୁ ପଠାଯାଇଛି । ନିଆଁରେ ଉଇସେଓଙ୍ଗ ଜିଲ୍ଲାରେ ଥିବା ହଜାର ବର୍ଷ ପୁରୁଣା ଏକ  ବୌଦ୍ଧ ମନ୍ଦିର ଗାଉଁସା ଜଳି ନଷ୍ଟ ହୋଇଯାଇଛି । ଏଥିସହ  ଜାତୀୟ ଐତିହ୍ୟରେ ସାମିଲ ହୋଇଥିବା ଜୋସେନ ବଂଶର  ଏକ ବୌଦ୍ଧ ବାସ୍ତୁକଳା ସରଞ୍ଚନା ମଧ୍ୟ ନଷ୍ଟ ହୋଇଯାଇଛି । ଅଧିକାରୀଙ୍କ କହିବା ଅନୁଯାୟୀ, ନିଆଁକୁ ଶାନ୍ତ କରିବା ଏବଂ ଲୋକଙ୍କୁ ବଞ୍ଚାଇବା ପାଇଁ ହଜାର କର୍ମୀ ଏବଂ ହେଲିକପ୍ଟର ନିୟୋଜିତ ରହିଥିଲା । କୋରିଆ ବନ ସେବା ପ୍ରମୁଖ ଲିମ ସାଙ୍ଗ ସିୟୋପ କହିଛନ୍ତି, ଗୁରୁବାରକୁ ବର୍ଷା ସମ୍ଭାବନା ରହିଛି । ନିଆଁ ଲିଭାଇବା ପାଇଁ ଯଥେଷ୍ଟ ନୁହେଁ । ୪୩,୩୩୦ ଏକର ଜମିରେ ଏହି ନିଆଁ ବ୍ୟାପିଥିବା ବେଳେ ଏଥିରେ ୫୦ରୁ ଅଧିକ ଆହତ ହୋଇଛନ୍ତି । ନିଆଁକୁ ଆୟତ୍ତ କରିବା ପାଇଁ ୧୨୦ ହେଲିକପ୍ଟର କାମରେ ଲାଗିଛି । ୯୦୦୦ରୁ ଅଧିକ ଅଗ୍ନିଶମ କର୍ମୀ ମଧ୍ୟ ଲାଗିଛନ୍ତି । ଏହି ଜଙ୍ଗଲ ଓ ଆଖପାଖ ଅଞ୍ଚଳକୁ ବ୍ୟାପିବାରୁ ୧୩୦୦ ବର୍ଷର ପୁରୁଣା ବୌଦ୍ଧ ମନ୍ଦିର, ଘର, କାରଖାନା ଓ ଯାନବାହନ ପୋଡ଼ିଯାଇଛି । ରାତିସାରା ପ୍ରବଳ ପବନ ପ୍ରବାହିତ ହେଉଥିବାରୁ କର୍ମଚାରୀମାନେ ନିଆଁ ଲିଭାଇବାକୁ ସଂଘର୍ଷ କରୁଛନ୍ତି । ତେବେ ଏହି ଅଗ୍ନି ପୂର୍ବରୁ କେହି ଦେଖିନାହାନ୍ତି ।ମନ୍ଦିରରେ ଥିବା ଭିକ୍ଷୁକ ଏବଂ କର୍ମଚାରୀଙ୍କୁ ସୁରକ୍ଷିତ ସ୍ଥାନକୁ  ନିଆଯାଇଛି । ନିଆଁ ଲିଭାଇବା ପାଇଁ ସେନା ମୁତୟନ  କରାଯାଇଛି । କୋରିଆରେ ଥିବା ଆମେରିକା ସେନା ମଧ୍ୟ  ନିଆଁ ଲିଭାଇବାରେ ସହାୟତା କରିବାକୁ ଅଫର କରିଛି ।  ଏହା ଦେଶ ଇତିହାସର ସବୁଠୁ ଭୟଙ୍କର ଜଙ୍ଗଲ ନିଆଁ  ବୋଲି କାର୍ଯ୍ୟକାରୀ ରାଷ୍ଟ୍ରପତି ହାନ୍‌ ଡକ୍‌-ସୋ କହିଛନ୍ତି ।