ଡକ୍ଟର ସେଙ୍ଗାମେଦୁ ଶ୍ରୀନିବାସ ବଦ୍ରିନାଥ ଜଣେ ବିଶିଷ୍ଟ ଭିଟ୍ରିଓରେଟିନାଲ୍ ସର୍ଜନ ଏବଂ ଶଙ୍କର ନେତ୍ରାଳୟର ଦୂରଦ୍ରଷ୍ଟା ପ୍ରତିଷ୍ଠାତା, ମଙ୍ଗଳବାର ଚେନ୍ନାଇସ୍ଥିତ ବାସଭବନରେ ନିଦରେ ତାଙ୍କର ପରଲୋକ ହୋଇଛି। ତାଙ୍କୁ ୮୩ ବର୍ଷ ବୟସ ହୋଇଥିଲା।
୨୦୧୯ରେ ସକ୍ରିୟ ଅଭ୍ୟାସରୁ ଓହରି ଯାଇଥିବା ଡାକ୍ତର ବଦ୍ରିନାଥ ବାର୍ଦ୍ଧକ୍ୟଜନିତ ରୋଗ ସହ ସଙ୍ଗ୍ରାମ କରୁଥିଲେ। ତାଙ୍କ ପତ୍ନୀ ଡକ୍ଟର ବସନ୍ତୀ ଆୟେଙ୍ଗର ଏବଂ ଦୁଇ ପୁଅ ଅନନ୍ତ ଓ ଶେଷୁ ବଦ୍ରିନାଥଙ୍କୁ ନେଇ ତାଙ୍କ ପରିବାର। ସହରର ବେସାନ୍ତ ନଗର ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି।
