ଟିଟିଲାଗଡରେ  ଥମିବାର ନାଁ ନେଉନି ଗଞ୍ଜେଇ କାରବାର

ଟିଟିଲାଗଡ : ଟିଟିଲାଗଡ ରେଳ ଷ୍ଟସନରେ ଚୋରା ଗଞ୍ଜେଇ ଚାଲାଣ ବେଳେ ୨୬ କେଜି ୩୩୦ ଗ୍ରାମ ଗଞ୍ଜେଇ ସହ ତିନି ଗିରଫ । ଥମିବାର ନାଁ ନେଉନି ଗଞ୍ଜେଇ କାରବାର, କ୍ରମାଗତ ଚଢ଼ାଉ ଜାରି । କ୍ରମାଗତ ଭାବରେ ଟିଟିଲାଗଡ ରେଳ ଷ୍ଟେସନରୁ ରାଜ୍ୟ ବାହାରକୁ ଗଞ୍ଜେଇ ଚାଲାଣ ବେଳେ ଅଭିଯୁକ୍ତଙ୍କୁ ଗିରଫ ସହ ଗଞ୍ଜେଇ ଜବତ କରାଯାଉ ଥିବା ବେଳେ ପୁଣି ୨ଲକ୍ଷ ୬୩ ହଜାର ୩୦୦ ଟଙ୍କା ମୂଲ୍ୟର ଗଞ୍ଜେଇ ସହ ତିନି ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ପ୍ରକାଶ ଯେ, ଟିଟିଲାଗଡ ରେଳ ଷ୍ଟେସନ ତିନି ନମ୍ବର ପ୍ଲାଟଫର୍ମରୁ ରେଳ ବିଭାଗ ଆରପିଏଫ ପୋଲିସ ତଥା ଟିଟିଲାଗଡ ଅବକାରୀ ବିଭାଗର ମିଳିତ ଚଢାଉ କରି ୨୬ କେଜି ୩୩୦ ଗ୍ରାମ ଗଞ୍ଜେଇ ସହ ତିନି ଜଣ ଯୁବକଙ୍କୁ ଗିରଫ କରାଯାଇଛି। ମଧ୍ୟପ୍ରଦେଶ ରାଜ୍ୟର କୁସମ୍ ହାଟ ଗ୍ରାମର ଉଦୟ ରାଜ ପଟେଲ, ଉତ୍ତରପ୍ରଦେଶର ଛେଡିମାଉ ଗ୍ରାମର  ବିରେନ୍ଦ୍ର କୁମାର ଖୁସ୍ୱା ଓ ଆନନ୍ଦ କୁମାର ଖୁସ୍ଵା ମିଳିତ ଭାବେ ମଧ୍ୟପ୍ରଦେଶ ତଥା ଉତ୍ତରପ୍ରଦେଶକୁ ଏହି ଗଞ୍ଜେଇ ଚୋରା ଚାଲାଣ କରିବା ଯୋଜନା କରିଥିବା ବେଳେ ତାଙ୍କୁ ରେଳ ଷ୍ଟେସନର ତିନି ନମ୍ବର ପ୍ଲାଟଫର୍ମରୁ ଗିରଫ କରାଯାଇଛି। ଏନେଇ କେସ ନଂ – ୨୨୮/୨୪, ୟୁ ଏସ ୨୦(ବି) ଆଇଆଇ(ସି) ଏନ ଡି ପି ଏସ ଧାରା ୧୯୮୫ କ୍ରମେ ମାମଲା ରୁଜୁ କରାଯାଇଥିବା ପ୍ରକାଶ ପାଇଛି ।